فرانس: دائیں بازو کی جماعت کے رہنما پر دوبارہ حملہ، آٹے کے بعد انڈہ پھینک دیا گیا
https://jang.com.pk/assets/uploads/updates/2025-12-01/1533470_3077621_1_updates.jpg- فائل فوٹوفرانس کی دائیں بازو کی سیاسی جماعت نیشنل ریلی کے رہنما جوردن بارڈیلا پر ایک تقریب کے دوران انڈہ پھینک دیا گیا، چند روز قبل ایک مظاہرے کے دورا ان پر آٹا بھی پھینکا گیا تھا۔
بارڈیلا جنوب مغربی شہر موئساک میں اپنی نئی کتاب کی تشہیر کے لیے موجود تھے کہ ایک شخص نے ان کے سر پر انڈہ دے مارا۔
فرانسیسی خبر رساں ادارے اے ایف پی کے مطابق حملہ کرنے والے 74 سالہ شخص کو موقع پر گرفتار کرلیا گیا، اس کے خلاف عوامی عہدے دار پر تشدد کے الزام میں کارروائی جاری ہے، جبکہ بارڈیلا کی جانب سے باضابطہ شکایت بھی درج کروا دی گئی ہے۔ https://jang.com.pk/assets/uploads/updates/2019-05-07/637088_102725_australian-prime-minister-scott-morrison-egged-at-election-function-in-albury_updates.jpg
انتخابی مہم: خاتون نے آسٹریلوی وزیر اعظم کو انڈہ دے مارا
یوں تو انڈوں کے ذریعے مزے مزے کے کھانے تیار کئے... https://jang.com.pk/assets/front/images/jang-icons/16x16.png
اس سے قبل ویسول کے زرعی میلے کے دورے کے دوران ایک 17 سالہ نوجوان نے بارڈیلا پر آٹا پھینکا تھا، نوجوان کو حراست میں لینے کے بعد اگلے روز رہا کر دیا گیا۔
بارڈیلا نے واقعے کے بعد سوشل میڈیا پلیٹ فارم ایکس پر لکھا کہ جتنا ہم آگے بڑھ رہے ہیں اور اقتدار کے قریب ہو رہے ہیں، اتنا ہی بائیں بازو کی جانب سے تشدد، عدم برداشت اور بے وقوفانہ حرکات میں اضافہ ہو رہا ہے۔
انہوں نے مزید کہا کہ آزادی، قومی فخر اور حب الوطنی کی ایک نئی لہر فرانس میں اُٹھ رہی ہے، جسے کوئی نہیں روک سکتا۔
Pages:
[1]