پاکستان اور یو اے ای کے تعلقات مزید مضبوط ہو رہے ہیں، صدر زرداری
https://jang.com.pk/assets/uploads/updates/2025-12-02/1533810_6610948_%D8%B5%D8%AF%D8%B1_updates.jpg۔۔فائل فوٹوصدرِ مملکت آصف علی زرداری نے کہا ہے کہ پاکستان اور یو اے ای کے تاریخی برادرانہ تعلقات مزید مضبوط ہو رہے ہیں، پاکستان کو فخر ہے کہ وہ 1971 میں یو اے ای کو تسلیم کرنے والا پہلا ملک تھا۔
متحدہ عرب امارات کے قومی دن پر اپنے پیغام میں صدر زرداری نے کہا کہ پاک امارات تعلقات مشترکہ مذہب، اعتماد اور نسل در نسل رشتوں پر قائم ہیں۔
ان کا کہنا تھا کہ اماراتی قیادت کے ساتھ ہمارے دیرینہ اور گرم جوش تعلقات مثالی ہیں، تجارت، سرمایہ کاری اور دفاع میں تعاون مزید بڑھنے کا یقین ہے۔ https://jang.com.pk/assets/uploads/updates/2025-10-17/1520399_093103_updates.jpg
پاکستان اور امارات کا جی ٹو فریم ورک معاہدہ
تقریب سے خطاب میں وزیر اعظم شہباز شریف نے کہا کہ جی ٹو فریم ورک کے تحت دونوں ممالک کے درمیان معاہدہ ایک اچھے سفر کا آغاز ہے، منصوبے سے دونوں ملکوں کو فائدہ ہوگا۔ https://jang.com.pk/assets/front/images/jang-icons/16x16.png
انہوں نے کہا کہ امارات میں پاکستانی کمیونٹی دونوں ملکوں کے درمیان مضبوط پل کا کردار ادا کررہی ہے، پاکستان یو اے ای کے امن، ترقی اور خوشحالی کے لیے دعاگو ہے۔
صدر مملکت نے مزید کہا کہ چار نسلوں سے ہمارے خاندان کا یو اے ای سے خصوصی تعلق ہے، بیگم نصرت بھٹو نے آخری ایام یو اے ای میں گزارے، شہید بینظیر بھٹو نے مشکل برسوں میں جلاوطنی گزاری، میری بیٹی آج یو اے ای کو اپنا گھر بنا چکی ہے۔
صدر آصف علی زرداری نے مزید کہا کہ پاکستان یو اے ای کے ساتھ شراکت داری مزید گہری کرنے کا خواہاں ہے۔
Pages:
[1]