بھارتی سفارتکار پر خالصتان ریفرنڈم کے منتظم کے قتل کی سازش کا الزام
https://jang.com.pk/assets/uploads/updates/2025-12-03/1534118_2887936_1_updates.jpg--فائل فوٹوامریکا میں قائم خالصتان حامی تنظیم سکھس فار جسٹس （SFJ） نے الزام عائد کیا ہے کہ کینیڈا میں تعینات ایک حاضر سروس بھارتی سفارتکار نے خالصتان ریفرنڈم کے منتظم اندرجیت سنگھ گوسال کے قتل کے لیے 50 ہزار ڈالر کی رقم ایک مبینہ ہٹ مین کو پیش کی ہے۔
ایس ایف جے کے مطابق کینیڈین سیکیورٹی اور انٹیلی جنس ایجنسیاں اس مبینہ کانٹریکٹ ٹو کل منصوبے سے آگاہ تھیں اور رائل کینیڈین ماؤنٹڈ پولیس （RCMP） نے گوسال کو حال ہی میں سیکیورٹی اور تحفظ کی پیشکش بھی کی ہے، کیونکہ ان کی جان کو ’فوری خطرہ‘ لاحق تھا۔
کینیڈین میڈیا کے مطابق اندر جیت سنگھ گوسال خالصتان ریفرنڈم مہم کے منتظمین میں شامل رہے ہیں اور انہیں پہلے بھی پولیس کی جانب سے ڈیوٹی ٹو وارن نوٹس موصول ہوا تھا، جس میں ایسے خدشات ظاہر کیے گئے تھے کہ ان پر حملے کے پیچھے بھارت کا ہاتھ ہوسکتا ہے۔ https://jang.com.pk/assets/uploads/updates/2025-11-25/1531709_114656_updates.jpg
سکھوں کی آزادی کیلئے کینیڈا میں ریفرنڈم، ہزاروں سکھ میدان میں آگئے
گرپتونت سنگھ پنوں نے کہا کہ کینیڈا ریفرنڈم مودی کی گولی اور بم کا جواب ہے، مودی کی غاصبانہ پالیسیوں کی سیاسی موت بیلٹ کے ذریعے ہی ہوگی۔ https://jang.com.pk/assets/front/images/jang-icons/16x16.png
ایس ایف جے کے جنرل کونسل گروپتونت سنگھ پنوں نے کہا کہ تنظیم یہ تفصیلات اس لیے سامنے لا رہی ہے تاکہ کینیڈا میں سکھ کارکن ہردیپ سنگھ نجّار کے قتل جیسا ایک اور واقعہ رونما نہ ہو۔
ایس ایف جے کے مطابق گوسال کے خلاف قتل کی مبینہ سازش سے متعلق معلومات کینیڈین حکومت کے اعلیٰ ترین اداروں، بشمول وزیراعظم مارک کارنی کے دفتر، وزیر خارجہ انیتا آنند کے دفتر اور وزیر برائے عوامی تحفظ تک پہنچا دی گئی ہیں۔
Pages:
[1]