’گوتم گمبھیر مجھ پر دباؤ ڈالتے ہیں،‘ نوجوان بھارتی کرکٹر کا انکشاف
https://jang.com.pk/assets/uploads/updates/2025-12-03/1534157_9344333_News7_updates.jpg---فائل فوٹوجنوبی افریقہ کے خلاف پہلے ون ڈے میں کامیابی کے بعد بھارتی نوجوان بلے باز تلک ورما نے ٹیم کے سینئر کھلاڑیوں اور کوچنگ اسٹاف سے متعلق اپنی رائے کا اظہار کیا ہے۔
تلک ورما کا کہنا تھا کہ ون ڈے اور ٹیسٹ کرکٹ اِن کی فطری طرزِ کھیل سے قریب ہیں اور وہ طویل فارمیٹ سے خاص دلچسپی رکھتے ہیں۔
تلک ورما کے مطابق روہت شرما اور ویرات کوہلی کی موجودگی نوجوان کھلاڑیوں کا اعتماد کئی گنا بڑھا دیتی ہے، دونوں بیٹرز کا تجربہ اور رہنمائی سے اِنہیں اپنا کھیل بہتر کرنے میں مدد ملتی ہے جبکہ کوہلی کے ساتھ فٹنس اور کھیل کے حوالے سے گفتگو بھی ان کی کارکردگی میں نمایاں کردار ادا کرتی ہے۔ https://jang.com.pk/assets/uploads/updates/2025-12-02/1533799_092306_updates.jpg
گوتم گمبھیر، ویرات کوہلی اور روہت شرما کے مسلسل بگڑتے تعلقات پر ڈریسنگ روم میں کشیدگی: بی سی سی آئی پریشان
بھارتی میڈیا کی جانب سے انکشاف کیا گیا ہے کہ ہیڈ کوچ گوتم گمبھیر اور سینئر بیٹرز ویرات کوہلی اور روہت شرما کے درمیان تعلقات میں نمایاں سرد مہری پیدا ہو گئی ہے جس کے سبب بھارتی ون ڈے ٹیم کے ڈریسنگ روم کا ماحول اس وقت شدید دباؤ کا شکار ہے۔ https://jang.com.pk/assets/front/images/jang-icons/16x16.png
نوجوان کھلاڑی تلک ورما نے ٹیم کے ہیڈ کوچ گوتم گمبھیر سے متعلق بات کرتے ہوئے کہا ہے کہ گمبھیر اِنہیں ذہنی طور پر مضبوط کھلاڑی بنانے میں کلیدی کردار ادا کر رہے ہیں، گمبھیر اِنہیں نیٹ سیشنز میں دباؤ میں کھیلنے کی مشق کرواتے ہیں تاکہ وہ میچ کے دوران کھیل کے دباؤ کو بہتر انداز میں سنبھال سکیں۔
تلک ورما کے مطابق ہیڈ کوچ کا اِن کی صلاحیتوں پر مکمل اعتماد اِنہیں مزید بہتر کھیل پیش کرنے میں مدد دیتا ہے۔
واضح رہے کہ بھارتی کھلاڑی تلک ورما نے تاحال ٹیسٹ کرکٹ میں ڈیبیو نہیں کیا ہے تاہم ون ڈے اور ٹی ٹوئنٹی کے محدود اوورز میں وہ 23 میچوں میں 661 رنز بنا چکے ہیں جن میں ایک سنچری اور چار نصف سنچریاں بھی شامل ہیں۔
بھارت اور جنوبی افریقہ کے درمیان دوسرا ون ڈے آج رائے پور میں کھیلا جائے گا، ون ڈے سیریز سے قبل بھارت کو جنوبی افریقہ کے ہاتھوں دو ٹیسٹ میچز میں وائٹ واش کا سامنا کرنا پڑا تھا۔
Pages:
[1]