راہداری تجارتی مصنوعات کی بارڈر پر کسٹم ڈیوٹی کی وصولی کی نگرانی ضروری ہے: وزیراعظم
https://jang.com.pk/assets/uploads/updates/2025-12-03/1534167_7428843_12_updates.jpgمقامی آبادی کے لیے صنعتی مصنوعات کی پیداواری لاگت کم کرنا حکومت کی ترجیحات میں شامل ہے، وزیراعظم شہباز شریف -- فائل فوٹووزیراعظم شہباز شریف نے زور دیا کہ دوطرفہ اور راہداری تجارتی مصنوعات کی بارڈر پر کسٹم ڈیوٹی کی وصولی کی مؤثر نگرانی ضروری ہے۔
وزیراعظم شہباز شریف کی زیر صدارت کسٹم ڈیوٹی اور تجارتی شعبے میں اصلاحات سے متعلق ذیلی ورکنگ گروپ کی سفارشات پر اہم جائزہ اجلاس ہوا۔
اجلاس سے خطاب کرتے ہوئے وزیراعظم نے کہا کہ ملکی صنعتی پیداوار اور تجارت میں اضافے کے لیے شعبہ جاتی مخصوص تجاویز اور مسائل کی نشاندہی ناگزیر ہے۔
وزیراعظم شہباز شریف کا کہنا تھا کہ ایکسپورٹ ڈویلپمنٹ فنڈ کو صلاحیتیں بڑھانے کے لیے ریسرچ اور ٹریننگ پر استعمال نہیں کیا گیا، جبکہ برآمدات اور درآمدات کے شعبے میں سفارشات اور اصلاحاتی تجاویز اعداد و شمار کی بنیاد پر ہونی چاہئیں۔ https://jang.com.pk/assets/uploads/updates/2025-12-02/1533887_073810_updates.jpg
ٹیکس وصولی میں اضافہ مضبوط معیشت سے ہی ممکن ہے، وزیراعظم شہباز شریف
وزیراعظم شہباز شریف نے کہا ہے کہ ٹیکس وصولی میں اضافہ بہتر کاروبار اور مضبو ط معیشت سے ہی ممکن ہے۔ https://jang.com.pk/assets/front/images/jang-icons/16x16.png
انہوں نے کہا کہ مقامی آبادی کے لیے صنعتی مصنوعات کی پیداواری لاگت کم کرنا حکومت کی ترجیحات میں شامل ہے۔
وزیراعظم نے حکومت کی طرف سے منظور کردہ قومی ٹیرف پالیسی کو انقلابی قدم قرار دیتے ہوئے کہا کہ یہ پالیسی صنعتی پیداوار بڑھانے کے ساتھ ساتھ مقامی اور عالمی منڈیوں میں کاروبار کو مسابقتی بناتی ہے۔
Pages:
[1]