فیلڈ مارشل سید عاصم منیر سے کمانڈر بحرین نیشنل گارڈ کی ملاقات
https://jang.com.pk/assets/uploads/updates/2025-12-03/1534208_6147001_asimMunir-bahrineCommmanderNationalGuard_updates.jpgفیلڈ مارشل سید عاصم منیر سے بحرین نیشنل گارڈ کے کمانڈر جنرل شیخ محمد بن عیسیٰ بن سلمان الخلیفہ کی جی ایچ کیو میں ملاقات—فائل فوٹوفیلڈ مارشل سید عاصم منیر سے بحرین نیشنل گارڈ کے کمانڈر جنرل شیخ محمد بن عیسیٰ بن سلمان الخلیفہ نے جی ایچ کیو راولپنڈی میں ملاقات کی۔
پاک فوج کے شعبۂ تعلقاتِ عامہ آئی ایس پی آر کے مطابق ملاقات میں باہمی دلچسپی کے امور، خطے کی سیکیورٹی و دفاعی تعاون پر تبادلۂ خیال کیا گیا۔ https://jang.com.pk/assets/uploads/updates/2025-12-03/1534191_061629_updates.jpg
فیلڈ مارشل عاصم منیر سے کمانڈر رائل سعودی لینڈ فورسز کی ملاقات
کمانڈر رائل سعودی لینڈ فورسز لیفٹیننٹ جنرل فہد بن سعود الجوہانی نے جی ایچ کیو کا دورہ کیا ہے۔ https://jang.com.pk/assets/front/images/jang-icons/16x16.png
دورانِ ملاقات پاکستان اوربحرین کے درمیان موجود عسکری تعلقات مزید مضبوط بنانے کے عزم کا اعادہ بھی کیا گیا۔
اس موقع پر بحرین نیشنل گارڈ کے کمانڈر جنرل شیخ محمد بن عیسیٰ بن سلمان الخلیفہ نے پاک فوج کی پیشہ ورانہ صلاحیتوں کو سراہا اور علاقائی امن و استحکام میں پاک فوج کے کردار کو تسلیم کیا۔
آرمی چیف فیلڈ مارشل سید عاصم منیر نے پاکستان اور بحرین کے درمیان دیرینہ برادرانہ تعلقات کو اجاگر کیا۔
آئی ایس پی آر کے مطابق فیلڈ مارشل نے ہر شعبے میں بحرین کے ساتھ تعاون جاری رکھنے کے عزم کا اظہار بھی کیا۔
Pages:
[1]