پاکستان اور ایشیائی ترقیاتی بینک میں 3 معاہدوں پر دستخط
https://jang.com.pk/assets/uploads/updates/2025-12-05/1534770_7159931_adb-pak_updates.jpg—فائل فوٹوپاکستان اور ایشیائی ترقیاتی بینک کے درمیان 3 معاہدوں پر دستخط ہوئے ہیں۔
ترجمان اقتصادی امور کا کہنا ہے کہ ایم ایل ون کراچی روہڑی سیکشن کے لیے 10 ملین ڈالرز کی پروجیکٹ ریڈینیس فنانسنگ پر دستخط کیے گئے ہیں۔
کوئٹہ بس ریپڈ ٹرانزٹ کے لیے 3.8 ملین ڈالرز کی پروجیکٹ ریڈینیس فنانسنگ پر اور بلوچستان واٹر ریسورسز ڈیولپمنٹ سیکٹر منصوبے کے لیے 48 ملین ڈالرز کی اضافی فنانسنگ پر دستخط ہوئے ہیں۔
منصوبوں پر سیکریٹری اقتصادی امور محمد کریم اور سیکریٹری ریلوے مظہر علی شاہ نے دستخط کیے ہیں۔ https://jang.com.pk/assets/uploads/updates/2025-11-20/1530188_032344_updates.jpg
ایشیائی ترقیاتی بینک نے پاکستان کیلئے 330ملین ڈالرز کی منظوری دے دی
ایشیائی ترقیاتی بینک کی جانب سے پاکستان کے لیے 330... https://jang.com.pk/assets/front/images/jang-icons/16x16.png
ایشیائی ترقیاتی بینک کی جانب سے کنٹری ڈائریکٹر ایما فین نے معاہدوں پر دستخط کیے۔
سیکریٹری اقتصادی امور محمد کریم کا اس حوالے سے کہنا ہے کہ اہم منصوبوں پر معاونت کے لیے ایشیائی ترقیاتی بینک کے مشکور ہیں۔
ترجمان کے مطابق اس موقع پر کنٹری ڈائریکٹر ایما فین نے ان منصوبوں کے لیے مضبوط عزم پر حکومتِ پاکستان کی تعریف کی۔
ایشیائی ترقیاتی بینک کی کنٹری ڈائریکٹر ایما فین نے کہا کہ ایشیائی ترقیاتی بینک پاکستان کے ساتھ تعاون جاری رکھے گا۔
Pages:
[1]