جو کرتی ہوں، وائرل ہو جاتا ہے: ماہرہ خان کا وائرل کلپ پر ردعمل
https://jang.com.pk/assets/uploads/updates/2025-12-08/1535596_4434015_11_updates.jpgتصاویر:سوشل میڈیاپاکستان کی مایہ ناز اداکارہ ماہرہ خان کا اپنی نئی فلم نیلوفر کے ایک وائرل کلپ پر ردعمل سامنے آگیا۔
فواد خان کے ہمراہ ان کی نئی فلم نے مداحوں میں خاصی دلچسپی پیدا کی ہے، جس میں ماہرہ خان بینائی سے محروم لڑکی کے کردار میں نظر آ رہی ہیں۔
حال ہی میں فلم کا ایک جذباتی سین سوشل میڈیا پر بے حد وائرل ہوا، جس میں نیلوفر روتے ہوئے خود کو مارنے لگتی ہے، متعدد صارفین نے اس منظر پر ماہرہ خان کی اداکاری کو تنقید کا نشانہ بنایا۔
اداکارہ نے اس کلپ کے تناظر میں ایک تقریب میں گفتگو کرتے ہوئے کہا کہ میں جانتی ہوں کہ میں چاہے کچھ کروں یا نہ کروں میرا ہر عمل وائرل ہو جاتا ہے۔ https://jang.com.pk/assets/uploads/updates/2025-11-17/1529217_012057_updates.jpg
’نیلوفر‘ کے کردار میں حقیقت کا رنگ بھرنے کیلئے نابینا لڑکیوں کے ساتھ وقت گزارا: ماہرہ خان
پاکستان فلموں اور ٹیلی ویژن ڈراموں کی سُپر اسٹار ماہرہ خان کا کہنا ہے کہ کردار میں حقیقت کا رنگ بھرنے کے لیے نابینا لڑکیوں کے ساتھ وقت گزارا۔ اسکرین پر جو بھی کردار ادا کرتی ہوں، دل سے کرتی ہوں۔https://jang.com.pk/assets/front/images/jang-icons/16x16.png
ماہرہ خان نے کہا کہ میں نے یہ کلپ دیکھا ہے جو بہت وائرل ہو رہا ہے، سچ بات یہ ہے کہ جو بھی میں کرتی ہوں، وائرل ہو جاتا ہے، اگر میں کچھ کروں تب بھی، نہ کروں تب بھی، کبھی کبھی اس سب سے تھکن بھی محسوس ہوتی ہے۔
انہوں نے کہا کہ میں تنقید کو برے انداز میں نہیں لیتی، لیکن وائرل کلپس کو لے کر ہونے والا شور شرابا مجھے کبھی کبھار ذہنی طور پر تھکا دیتا ہے۔
ماہرہ خان کا کہنا تھا کہ نیلوفر ایک مشکل کردار تھا اور میں نے اسے پوری ایمانداری اور حساسیت کے ساتھ نبھانے کی کوشش کی ہے۔
Pages:
[1]