منوج باجپائی کی 20 منٹ کی کال نے مجھے رلادیا تھا، جے دیپ
https://jang.com.pk/assets/uploads/updates/2025-12-08/1535658_6554521_ManojJaideep_updates.jpgبھارتی اداکار جے دیپ اہلاوت نے ساتھی اداکار منوج باجپائی کی 20 منٹ طویل کال کا ذکر کر دیا۔
45 سالہ جے دیپ اہلاوت اور 56 سالہ منوج باجپائی نے ایک ساتھ انٹرویو دیا، گفتگو کے دوران جے دیپ اہلاوت نے ساتھی اداکار کی فون کال کا ذکر کیا اور بتایا کہ وہ اس دوران جذباتی ہوکر رو پڑے تھے۔ https://jang.com.pk/assets/uploads/updates/2025-04-18/1462256_083158_updates.jpg
جے دیپ اہلاوت کا عرفان خان سے موازنہ کرنے پر ردعمل
بھارتی اداکار جے دیپ اہلاوت نے اپنا موازنہ مرحوم اداکار عرفان خان سے کیے جانے پر ردعمل دیا ہے۔ https://jang.com.pk/assets/front/images/jang-icons/16x16.png
گفتگو کے دوران دونوں اداکاروں نے اپنی طویل جہدوجہد کی کہانی بھی بیان کی، منوج باجپائی نے دہلی اور ممبئی میں سختی کے دن یاد کیے تو جے دیپ اہلاوت نے دیر سے ملنے والی شہرت کا حوالہ دیا۔
دونوں اس بات پر متفق دکھائی دیے کہ ہماری کامیابی کے پیچھے مسلسل محنت، جدوجہد اور ثابت قدمی ہے۔
بھارتی میڈیا رپورٹ کے مطابق جے دیپ نے بتایا کہ ویب سیریز پاتال لوک کی ریلیز کے بعد منوج باجپائی نے مجھے20 منٹ طویل کال کی اور میرے کام کی کھل کر تعریف کی۔
انہوں نے مزید کہا کہ منوج باجپائی نے دوران گفتگو فلم انڈسٹری کی ایک سچائی یہ بھی بتائی کہ یہاں غیر محفوظ اداکار ایک دوسرے کی تعریف نہیں کرتے، اُن کی اس گھبراہٹ کی وجہ عدم تحفظ ہوتا ہے۔
جے دیپ اہلاوت نے یہ بھی کہا کہ منوج باجپائی نے مجھے اس موقع پر فلم انسٹیٹیوٹ کھولنے کا مشورہ بھی دیا۔
دی فیملی سیزن 3 میں ’رکما‘ کے کردار کے باعث جے دیپ اہلاوت ایک بار پھر توجہ کا مرکز بن گئے ہیں۔
Pages:
[1]