اسلام آباد میں بلدیاتی انتخابات 15 جنوری کو ہونگے، شیڈول جاری
https://jang.com.pk/assets/uploads/updates/2025-12-09/1535927_7051461_hhh_updates.jpgفائل فوٹو
الیکشن کمیشن نے اسلام آباد میں بلدیاتی انتخابات کا شیڈول جاری کر دیا۔
الیکشن کمیشن کے مطابق اسلام آباد میں بلدیاتی انتخابات 15 فروری کو ہوں گے، پولنگ کا عمل صبح 8 بجے سے شام 4 بجے تک جاری رہے گا۔
الیکشن کمیشن کے ترجمان کے مطابق ریٹرننگ افسرز کاغذات نامزدگی کے لیے پبلک نوٹس 19 دسمبر کو آویزاں کریں گے۔
انتخابی شیڈول کے مطابق کاغذات نامزدگی 22 دسمبر سے 27 دسمبر تک جمع کرائے جائیں گے، کاغذات نامزدگی کی جانچ پڑتال 30 دسمبر سے 3 جنوری 2026 تک ہوگی۔https://jang.com.pk/assets/uploads/updates/2025-11-17/1529327_113745_updates.jpg
الیکشن کمیشن کا اسلام آباد میں مقامی حکومتوں کے انتخابات کرانے کا فیصلہ
دارالحکومت اسلام آباد میں بلدیاتی انتخابات کے معاملے پرالیکشن کمیشن آف پاکستان （ای سی پی） نے محفوظ فیصلہ جاری کردیا ہے۔ https://jang.com.pk/assets/front/images/jang-icons/16x16.png
الیکشن کمیشن کے مطابق ٹربیونلز اپیلیں 5 سے 8 جنوری 2026 تک دائر کی جاسکیں گی جبکہ اپیلیں 9 سے 13 جنوری تک نمٹا دی جائیں گی۔
کاغذات نامزدگی واپس لینے کی آخری تاریخ 15 جنوری 2026 ہے جس کے بعد امیدواروں کی حتمی فہرست 16 جنوری کو آویزاں کی جائے گی۔
امیدواروں کو انتخابی نشان 16 جنوری کو الاٹ کیے جائیں گے جبکہ 15 فروری کو پولنگ اور 16 فروری سے 19 فروری تک نتائج مرتب کیے جائیں گے۔
Pages:
[1]