یوٹیوب دیکھ کر جعلی ڈاکٹر نے آپریشن کر ڈالا، خاتون کی جان چلی گئی
https://jang.com.pk/assets/uploads/updates/2025-12-11/1536579_4076226_11_updates.jpgفائل فوٹوبھارت کی ریاست اتر پردیش کے علاقے بارابنکی میں ایک جعلی ڈاکٹر کی سرجری کے باعث ایک خاتون کی جان چلی گئی۔ اناڑی ڈاکٹر نے یوٹیوب ویڈیو دیکھ کر نشے کی حالت میں آپریشن کیا اور مریضہ کے پیٹ، آنتوں اور غذائی نالی کی متعدد رگیں کاٹ ڈالیں۔
پولیس کے مطابق خاتون کی شناخت منیشرا راوت کے نام سے ہوئی ہے، ان کو شدید پیٹ درد کے باعث ان کے شوہرمقامی غیر رجسٹرڈ کلینک لائے تھے۔
کلینک کے مالک اور جعلی ڈاکٹر گیان پرکاش مشرا اور وِویک مشرا نے درد کی وجہ گردے کی پتھری قرار دی اور 25 ہزار روپے میں آپریشن کی تجویز دی، جو بعد میں 20 ہزار روپے میں طے ہوا۔
اگلے روز گیان پرکاش نے یوٹیوب ویڈیو دیکھتے ہوئے سرجری شروع کی، نشے میں ہونے کے باعث اس نے گردے کی پتھری نکالنے کے بجائے پیٹ میں گہرے کٹ لگا دیے اور آنتوں سمیت متعدد اہم رگیں کاٹ دیں۔
آپریشن کے بعد مریضہ کی حالت بگڑ گئی اور اگلے دن وہ شدید تکلیف کے باعث دم توڑ گئی۔ https://jang.com.pk/assets/uploads/akhbar/2025-04-06/1457842_040508_updates.jpg
بھارت: جعلی ڈاکٹر نے دل کی سرجری کرکے 7 مریضوں کی جان لے لی
کراچیبھارتی ریاست مدھیہ پردیش کے ایک اسپتال میں... https://jang.com.pk/assets/front/images/jang-icons/16x16.png
شوہر کی شکایت پر پولیس موقع پر پہنچی اور لاش کو پوسٹ مارٹم کے لیے بھیج دیا گیا۔
پولیس نے دونوں ملزمان گیان پرکاش مشرا اور وِویک مشرا کے خلاف غیر ارادی قتل اور ایس سی/ایس ٹی ایکٹ کے تحت مقدمہ درج کر لیا ہے۔
سینئر پولیس افسر نے بتایا کہ کلینک غیر مجاز تھا اور دونوں ملزمان فرار ہیں، تاہم جلد گرفتار کر لیے جائیں گے۔
Pages:
[1]