شکیرا کے کنسرٹ میں بیٹوں کیساتھ گانے سے مداح خوش
https://jang.com.pk/assets/uploads/updates/2025-12-11/1536627_3910813_shakera_updates.jpg—فوٹو: انسٹاگرام / شکیرا
معروف کولمبیئن گلوکارہ اور ’واکا واکا گرل‘شکیرا نے ارجنٹائن کے دارالحکومت بیونس آئرس میں کنسرٹ کے دوران اپنے دو بیٹوں کے ساتھ پرفارم کر کے سب کو خوش کر دیا۔
غیر ملکی میڈیا کے مطابقبیونس آئرس میں ہونے والے کنسرٹ میں شکیرا نے اپنے بیٹوں 12 سالہ میلَن اور 10 سالہ ساشا کو اسٹیج پر مدعو کیا۔
شکیرا کے گانے کو کنسرٹ میں تینوں نے مل کر اپنی خوبصورت آواز میں ہزاروں لوگوں کے سامنے پیش کیا، جس نے ماحول کو گرما دیا۔
واضح ہے کہ میلَن اور ساشا ناصرف شکیرا کے قریب ہیں بلکہ ان کے ’فیشن پارٹنرز اِن کرائم‘ بھی بنتے جا رہے ہیں۔
خیال رہے کہشکیرا نے اپنا پہلا گانا 8 سال کی عُمر میں خود لکھا تھا جبکہ 13 سال کی عُمر میں اپنا پہلا گانا ریکارڈ کروایا تھا۔
اِس دوران اُن کے ہسپانوی اور انگریزی زبان میں گائے ہوئے گانوں نے عالمی شہرت حاصل کی مگر فیفا ورلڈ کپ 2010ء کے گانے ’واکا واکا‘ سے وہ شہرت کی بلندیوں پر پہنچ گئیں اور اُنہیں ہالی ووڈ واک آف فیم میں بھی شامل کر لیا گیا۔ https://jang.com.pk/assets/uploads/updates/2024-06-14/1360660_053235_updates.jpg
شکیرا نے جیرارڈ سے قطع تعلق کو زندگی کا سیاہ دور قرار دے دیا
شکیرا اور جیرارڈ پیکے 2010 سے اکٹھے تھے، 2022 میں دونوں میں بریک اپ ہوا۔https://jang.com.pk/assets/front/images/jang-icons/16x16.png
اُن کے گائے ہوئے دیگر گانوں میں ’ہپس ڈونٹ لائے‘ اور ’بیوٹی فل لائر‘ شامل ہیں جس نے اُنہیں مشہور ترین گلوکاراؤں کی صف میں لا کھڑا کیا۔
2010ء میں شکیرا کو آئی ایل او کی جانب سے سماجی بہبود کے کاموں میں حصہ لینے پر سوشل جسٹس ایوارڈ بھی دیا گیا جبکہ اس کے علاوہ اُنہیں گریمی اور ایم ٹی وی میوزک سمیت متعدد ایوارڈز سے بھی نوازا جا چکا ہے۔
Pages:
[1]