سنگیتا نے صائمہ نور کو ہراساں اور گھنٹوں یرغمال بنائے جانے کی رُوداد سنا دی
https://jang.com.pk/assets/uploads/updates/2025-12-12/1536905_1762634_%D8%A8%D9%86%D8%B4%DA%86X_updates.jpg— فائل فوٹوپاکستان فلم انڈسٹری سے وابستہ ہدایت کارہ سنگیتا نے ڈرامہ کی شوٹنگ کے دوران اداکارہ صائمہ نور کو ہراساں کیے جانے کا واقعہ بیان کردیا۔
حال ہی میں ہدایت کارہ سنگیتا کے ڈرامے کی ریکارڈنگ رکوائے جانے اور شوٹنگ کے دوران ہراساں کیے جانے کی شکایت لاہور کے تھانہ شیرا کوٹ میں درج کروائی۔ تاہم اب انہوں نے ساتھی ہدایت کار سید نور اور دیگر فنکاروں کے ہمراہ پریس کانفرنس کرتے ہوئے اس ناخوشگوار واقعے کی تفصیلات بتا دیں۔
انہوں نے لاہور پریس کلب میں پریس کانفرنس کرتے ہوئے کہا کہ راوی میں جاری ڈرامے کی شوٹنگ کے دوران احمد جہانگیر بلوچ نامی وکیل نے ان کے فنکاروں کو ہراساں کیا۔ اس شخص کا دعویٰ تھا کہ وہ ڈرامے کا پروڈیوسر ہے، اس نے 2 کروڑ 40 لاکھ کی سرمایہ کاری ہے لیکن اس کے پاس کوئی ثبوت نہیں۔ https://jang.com.pk/assets/uploads/updates/2025-12-11/1536531_103041_updates.jpg
ریکارڈنگ کے دوران ہراسگی کا معاملہ، سنگیتا تھانے پہنچ گئیں
پاکستانی معروف ہدایت کارہ سنگیتا کے ڈرامے کی ریکارڈنگ رکوا دی گئی، جس پر ہدایتکارہ تھانے پہنچ گئیں۔ https://jang.com.pk/assets/front/images/jang-icons/16x16.png
انہوں نے کہا کہ اس ڈرامے کی پرڈیوسر، ڈائریکٹر حتیٰ کہ فنکارہ بھی میں ہوں، میرے ساتھ اس کے پروڈیوسر طارق مہندرو ہیں، نعمان اعجاز بھی اس کاسٹ کا حصہ تھے لیکن انہوں نے اسی مسئلے کی وجہ سے اس ڈرامے میں کام کرنے سے انکار کردیا، اب ان کا بیٹا اس کاسٹ کا حصہ ہے۔
سنگیتا کے مطابق واقعے کے روز طبیعت خرابی کی وجہ سے میں سیٹ سے چلی گئی تھی جس کے بعد ان لوگوں نے اسلحے کے ساتھ سیٹ پر توڑ پھوڑ کی، فنکاروں کو ہراساں کیا، صائمہ کو کہا گیا کہ وہ اس شخص کی مرضی کے بِنا سیٹ سے نہیں جاسکتیں، انہیں ہتھکڑی لگائی جائے گی لیکن اس کے باوجود بھی صائمہ سیٹ سے نہیں گئی، تاہم پولیس کے پہنچنے تک وہ لوگ جاچکے تھے۔
اس موقع پر سید نور نے کہا کہ ہم معاشرے میں لوگوں کو انٹرٹینمنٹ فراہم کرتے ہیں لیکن اس کے برعکس ہمیں تکلیفیں ملتی ہیں، صائمہ کو سیٹ پر ہراساں کیا گیا اس بار تو انہوں نے بہادرانہ انداز میں مقابلہ کرلیا لیکن اگر آئندہ انہیں یا کسی اور خاتون فنکارانہ کو ہراساں کیا گیا تو اس کا ذمہ دار کون ہوگا؟
پریس کانفرنس میں شامل کامران مجاہد کا کہنا تھا کہ ہراساں کرنے والے 8 لوگ تھے، انہوں نے ہمیں دھمکی دی تھی کہ اگر کوئی بھی سیٹ سے گیا تو اپنے نقصان کا ذمہ دار خود ہوگا، ان لوگوں نے صائمہ کو 2 گھنٹے تک یرغمال بنائے رکھا اس کے باوجود صائمہ کو بڑی مشکل سے سیٹ سے نکالا گیا۔
Pages:
[1]