انڈے کھانے کیلئے محفوظ ہیں یا نہیں، ابالنے سے قبل کیسے معلوم کیا جائے؟
https://jang.com.pk/assets/uploads/updates/2025-12-13/1537145_9394428_News2_updates.jpg---فائل فوٹوانڈے بظاہر تازہ اور خراب دونوں حالتوں میں باہر سے ایک جیسے دکھائی دیتے ہیں، اس لیے استعمال کرنے سے قبل ان کی جانچ بہت ضروری ہے۔
غذائیت سے بھرپور اور روزمرہ خوراک کا اہم حصہ انڈے خراب یا آلودہ ہونے کی صورت میں صحت کے لیے نقصان دہ ثابت ہو سکتے ہیں۔
ماہرین کے مطابق انڈوں میں ممنوعہ اینٹی بائیوٹک مادہ نائٹروفیوران موجود ہو سکتا ہے۔ اس مادے کے طویل عرصے تک استعمال سے صحت کے متعدد مسائل پیدا ہوتے ہیں، اسی لیے انڈوں کی تازگی اور معیار جانچنا اہم ہے۔
ذیل میں انڈوں کی حفاظت اور تازگی جانچنے کے 7 آسان گھریلو طریقے درج ہیں:
پانی میں ڈال کر جانچنا （فلوٹ ٹیسٹ） https://jang.com.pk/assets/uploads/updates/2025-10-23/1522166_125940_updates.jpg
انڈے کھانے کے 8 حیرت انگیز فوائد
انڈہ پروٹین، وٹامنز، منرلز اور دیگر اہم غذائی اجزاء سے بھرپور ہوتا ہے https://jang.com.pk/assets/front/images/jang-icons/16x16.png
ایک برتن میں ٹھنڈا پانی بھریں اور انڈا اس میں ڈال دیں۔ اگر انڈا نیچے جا کر سیدھا بیٹھ جائے تو بالکل تازہ ہے اور اگر برتن کے پیندے میں نیچے جا کر کھڑا ہو جائے تو پرانا مگر استعمال کے قابل ہے، اگر تیرنے لگے تو خراب ہے، لہٰذا فوراً ضائع کر دیں۔
سونگھ کر دیکھیں
انڈے سے بدبو آ رہی ہو تو اسے ہرگز استعمال نہ کریں۔ خراب انڈے سے تیز اور ناگوار بدبو آتی ہے۔
چھلکے کا معائنہ
انڈے کے چھلکے میں دراڑ، چپچپاہٹ یا پھپھوندی لگی ہو تو یہ خراب ہونے کی علامت ہے۔
انڈے کو ہلا کر آواز سنیں
انڈا کان کے قریب لا کر ہلا کر دیکھیں۔ اگر آواز نہ آئے تو انڈا تازہ ہے اور اگر اندر سے پانی جیسی آواز آئے تو انڈا پرانا ہو چکا ہے۔
توڑنے کے بعد جانچ https://jang.com.pk/assets/uploads/updates/2020-12-16/859106_014753_updates.jpg
ایک دن میں کتنے انڈے کھانے چاہئیں؟
انڈے تو سب کو پسند ہوتے ہیں لیکن انڈوں کے حوالے سے زیادہ تر لوگ یہ جاننا چاہتے ہیں روزانہ انڈوں کی کتنی مقدار صحت کے لیے فائدہ مند ہے اور کتنی نقصان دہ ہوسکتی ہے۔ https://jang.com.pk/assets/front/images/jang-icons/16x16.png
تازہ انڈے کی زردی گول اور اس کی جِھلی مضبوط ہوتی ہے جبکہ سفیدی گاڑھی ہوتی ہے، اگر انڈے کا رنگ بدلا ہوا یا عجیب ہو تو انڈا ضائع کر دیں۔
تاریخ چیک کریں
کچھ انڈے فارم ہاؤسز سے مارکیٹ میں لائے جاتے ہیں، ان پر اسٹامپ اور تاریخ موجود ہوتی ہے، اگر آپ پرچون کے بجائے سپر مارکیٹ سے انڈے خرید رہے ہیں تو انڈوں کے ڈبے پر درج میعاد ختم ہونے کی تاریخ ضرور دیکھیں اور انڈے فریج میں محفوظ رکھیں۔
روشنی سے جانچ （کینڈلنگ ٹرک）
اندھیرے کمرے میں موبائل کی روشنی انڈے پر رکھیں۔ تازہ انڈے میں لائٹ گزرنے کی گنجائش زیادہ جبکہ پرانے انڈے میں اندرونی حصہ دھندلا نظر آتا ہے۔
Pages:
[1]