سنگیتا نے نعمان اعجاز کو غیر پیشہ ورانہ رویے پر آڑے ہاتھوں لے لیا
https://jang.com.pk/assets/uploads/updates/2025-12-13/1537159_7918155_%D8%A8%D8%B7%D8%B7%D8%A8%D8%B3_updates.jpg— فائل فوٹو
پاکستانی معروف ہدایتکارہ و اداکارہ سنگیتا نے نعمان اعجاز کو غیر پیشہ ورانہ رویے پر آڑے ہاتھوں لے لیا۔
ہدایتکارہ ان دنوں اپنے نئے ڈرامہ سیریل ’بلھے شاہ‘ کی شوٹنگ میں مصروف ہیں اور مختلف ہراسگی کے واقعات سے بھی پریشان ہیں۔ حال ہی میں انہوں نے شوٹنگ کے دوران سیٹ پر اسلحہ لانے اور ہراساں کرنے والے وکیل کے خلاف مقدمہ بھی درج کروایا ہے۔
اسی حوالے سے انہوں نے نجی میڈیا چینل کے ایک پروگرام میں بات چیت کی۔ دورانِ گفتگو انہوں نے یہ بھی بتایا کہ مذکورہ ڈرامہ سیریل میں نعمان اعجاز بھی تھے تاہم ان کے غیر پیشہ ورانہ رویے کی وجہ سے بھی کافی پریشانی ہوئی۔ https://jang.com.pk/assets/uploads/updates/2025-12-12/1536905_034011_updates.jpg
سنگیتا نے صائمہ نور کو ہراساں اور گھنٹوں یرغمال بنائے جانے کی رُوداد سنا دی
پاکستان فلم انڈسٹری سے وابستہ ہدایت کارہ سنگیتا نے ڈرامہ کی شوٹنگ کے دوران اداکارہ صائمہ نور کو ہراساں کیے جانے کا واقعہ بیان کردیا۔ https://jang.com.pk/assets/front/images/jang-icons/16x16.png
نعمان اعجاز پر غیر پیشہ ورانہ رویے کے سنگین الزامات عائد کرتے ہوئے سنگیتا نے کہا کہ انہوں نے تین سال قبل پوری ادائیگی لے لی اور شوٹنگ شروع ہونے پر ڈرامے میں کام کرنے سے انکار کر دیا۔
انہوں نے کہا کہ وہ مسلسل بہانے کرتے رہے کہ میں بیمار ہو گیا ہوں، کبھی مجھے دل کا دورہ پڑ گیا ہے، کبھی مجھے کینسر ہو گیا ہے، کبھی کہتے گرمی کا موسم ہے نقلی داڑھی نہیں لگ سکتی، شوٹنگ کے لیے سردیوں کی تاریخ دی تو اس پر بھی نہیں آئے۔ https://jang.com.pk/assets/uploads/updates/2025-12-11/1536531_103041_updates.jpg
ریکارڈنگ کے دوران ہراسگی کا معاملہ، سنگیتا تھانے پہنچ گئیں
پاکستانی معروف ہدایت کارہ سنگیتا کے ڈرامے کی ریکارڈنگ رکوا دی گئی، جس پر ہدایتکارہ تھانے پہنچ گئیں۔ https://jang.com.pk/assets/front/images/jang-icons/16x16.png
ہدایتکارہ نے بتایا کہ نعمان اعجاز نے ایک دن کی شوٹنگ کروائی تھی، جس کی ریکارڈنگ اب بھی موجود ہے مگر اس کے بعد وہ واپس نہیں آئے۔ میں نے انہیں پوری رقم ایڈوانس میں ہی دے دی تھی، جبکہ اسی ڈرامہ سیریل میں ان کے بیٹے بلھے شاہ کا کردار ادا کر رہا ہے، مگر اب نعمان اعجاز کی جگہ ایک اور فنکار کو کاسٹ کیا ہے۔
سنگیتا نے بتایا کہ بلھے شاہ ایک میگا پروجیکٹ ہے، جس پر اب تک کروڑوں روپے خرچ ہو چکے ہیں۔
Pages:
[1]