سندھی کلچرل ڈے پر جو ہوا اُس پر پولیس نے ایکشن لیا: مرتضیٰ وہاب
https://jang.com.pk/assets/uploads/updates/2025-12-13/1537238_2554963_MutazaWahab_updates.jpgمرتضیٰ وہاب—فائل فوٹو
میئر کراچی مرتضیٰ وہاب نے کہا ہے کہ سندھی کلچرل ڈے پر جو کچھ ہوا، اُس پر پولیس نے ایکشن لیا۔
کراچی میں میڈیا سے گفتگو میں مرتضیٰ وہاب نے کہا کہ ہم نہ تو سندھو دیش کی بات کرتے ہیں اور نہ ہی کسی اور صوبے کی۔
انہوں نے کہا کہ ہم آئین کی بالادستی کی بات کرتے ہیں، سندھی کلچرل ڈے پر جو کچھ ہوا اس پر پولیس نے ایکشن لیا۔
میئر کراچی نے حال ہی میں ریلیز ہونے والی بھارتی فلم کا نام لیے بغیر کہا کہ فلمیں جو بنتی ہیں وہ سازش ہوتی ہیں۔
اُن کا کہنا ہے کہ نریندر مودی سرکار کو پیپلز پارٹی کے بیانیے سے تکلیف ہوئی ہے، مودی کو گجرات کے قصائی کا لقب بلاول بھٹو زرداری نے ہی دیا تھا۔
Pages:
[1]