پاکستان کی سوڈان میں یو این امن دستوں پر حملے کی مذمت
https://jang.com.pk/assets/uploads/updates/2025-12-15/1537698_895538_%D8%A6%D9%86_updates.jpgفائل فوٹوپاکستان نے سوڈان میں اقوام متحدہ کے امن دستوں پر حملے کی شدید مذمت کرتے ہوئے ملوث عناصر کی فوری تحقیقات اور ذمہ داروں کو کٹہرے میں لانے کا مطالبہ کیا ہے۔
سوڈان میں حملے میں اقوام متحدہ کے 6 امن اہلکار شہید اور متعدد زخمی ہوئے، شہید امن اہلکاروں کا تعلق بنگلادیش سے تھا اور وہ یونیسف مشن میں خدمات انجام دے رہے تھے۔ https://jang.com.pk/assets/uploads/updates/2025-12-14/1537421_103505_updates.jpg
سوڈان میں ڈرون حملہ، یو این امن مشن کے 6 ارکان جاں بحق
یو این سیکریٹری جنرل انتونیو گوئٹریس نے امن مشن پر حملے کی مذمت کرتے ہوئے کہا کہ بلاجواز حملے جنگی جرائم کے زمرے میں آسکتے ہیں۔ https://jang.com.pk/assets/front/images/jang-icons/16x16.png
پاکستان نے اہلکاروں کی شہادت پر بنگلادیش کی حکومت اور عوام سے دلی تعزیت اور ہمدردی کا اظہار کیا اور امن کے لیے جانوں کا نذرانہ پیش کرنے والے بلیو ہیلمٹس کو خراجِ عقیدت پیش کیا۔
ترجمان دفتر خارجہ نے کہا کہ یو این امن اہلکار عالمی سطح پر تنازعات کی روک تھام اور شہریوں کے تحفظ میں کردار ادا کر رہے ہیں، دفتر خارجہ نے امن اہلکاروں کے تحفظ کے لیے تعاون جاری رکھنے کے عزم کا اعادہ کیا۔
Pages:
[1]