سردیوں میں ہونٹ کیوں خشک ہوتے ہیں؟
https://jang.com.pk/assets/uploads/updates/2025-12-16/1538005_819750_4_updates.jpg— فائل فوٹو
ماہرین صحت نے خبردار کیا ہے کہ سردیوں میں ہوٹنوں کا خشک ہونا یا پھٹنا صرف موسم کی خشک ہونے یا جسم میں پانی کی کمی کا نتیجہ نہیں ہے۔
ماہرین صحت کے مطابق جسم میں ضروری وٹامنز اور معدنیات کی کمی اکثر ہونٹوں کے پھٹنے اور خشک ہونے میں اہم کردار ادا کرتی ہے اور سردیوں میں یہ مسئلہ شدت اختیار کر جاتا ہے جس کی وجہ سے بہت سے لوگوں کے ہونٹ زخمی بھی ہوجاتے ہیں۔
طبی ماہرین کے مطابق، بی کمپلیکس وٹامنز خاص طور پر بی 2 （Riboflavin）، بی3، بی6 اور بی12 کی کمی ہونٹوں کے خشک ہونے، پھٹنے اور زخمی ہونے کی وجہ بنتے ہیں، ہونٹوں کی ایسی حالت اینگولر چیلائٹس （angular cheilitis） کہلاتی ہے۔
ماہرین نے مزید بتایا کہ بی کمپلیکس وٹامنز کے علاوہ وٹامن سی کی کمی بھی جلد کو کمزور کر سکتی ہے جس کے نتیجے میں ہونٹ پھٹ سکتے ہیں۔ https://jang.com.pk/assets/uploads/updates/2025-09-02/1506446_034320_updates.jpg
موئسچرائزنگ کے باوجود بھی جلد کے خشک رہنے کی وجہ کیا ہے؟ ماہرین نے بتا دیا
خشک جلد کو نرم اور ہموار رکھنے کے لیے موئسچرائزر کا استعمال کیا جاتا ہے لیکن بہت سے لوگ ایسے ہیں جن کی جلد موئسچرائزنگ کے باوجود بھی خشک ہی رہتی ہے۔https://jang.com.pk/assets/front/images/jang-icons/16x16.png
ماہرین کے مطابق وٹامن بی12 خون کے سرخ خلیات کی پیداوار میں اہم کردار ادا کرتا ہے اس لیے اس کی کمی کی وجہ سے خون کی کمی، بےحسی، جھنجھناہٹ اور یادداشت کے مسائل کا سامنا بھی کرنا پڑ سکتا ہے۔
ایسے مسائل کو روکنے کے لیے ماہرین صحت متوازن غذا کی اہمیت پر زور دیتے ہیں۔
ماہرین کا کہنا ہے کہ ایسے مسائل کو روکنے کے لیے دودھ، دہی، انڈے، پھلیاں، سبز پتوں والی سبزیاں، گوشت، چنے، خشک میوہ جات اور کھٹے پھل جیسے مالٹے اور لیموں کو اپنی غذا میں شامل کریں۔
اس کے علاوہ ماہرین نے ڈاکٹرز کے مشورے سے بی کمپلیکس وٹامنز کے سپلیمنٹس لینے، دن میں کئی بار لپ بام یا پیٹرولیم جیلی لگانے اور مناسب ہائیڈریشن برقرار رکھنے کا مشورہ بھی دیا ہے۔
Pages:
[1]