بھارتی وزیر کا زبردستی حجاب ہٹانا مذہبی جذبات کی توہین ہے: ایچ آر سی پی
https://jang.com.pk/assets/uploads/updates/2025-12-16/1538095_8503513_NitishKumar_updates.jpg—تصویر بشکریہ بھارتی میڈیا
ہیومین رائٹس کونسل آف پاکستان （ایچ آر سی پی） نے بھارتی صوبے بہار کے وزیرِ اعلیٰ نتیش کمار کے مسلمان خاتون ڈاکٹر کا نقاب کھینچنے کے عمل پر ردِعمل دیا ہے۔
ایچ آر سی پی نے مذمتی بیان میں کہا ہے کہ مسلم خاتون کے حجاب کو سرِعام زبردستی ہٹانا پوری مسلم اُمہ کے مذہبی جذبات کی کھلی توہین ہے۔ https://jang.com.pk/assets/uploads/updates/2025-12-16/1538065_050556_updates.jpg
نتیش کی حرکت پر حیرت زدہ ہوں، محبوبہ مفتی کا بہار کے وزیراعلیٰ سے استعفے کا مطالبہ
مقبوضہ کشمیر کی سابقہ وزیرِ اعلیٰ محبوبہ مفتی نے بھارتی ریاست بہار کے وزیرِ اعلیٰ نتیش کمار سے استعفے کا مطالبہ کر دیا۔ https://jang.com.pk/assets/front/images/jang-icons/16x16.png
مذمتی بیان میں کہا گیا ہے کہ وزیر اعلیٰ نتیش کمار کا مسلمان خاتون ڈاکٹر کا نقاب کھینچنے کا عمل غیر انسانی اقدام ہے۔
ایچ آر سی پی نے کہا ہے کہ نتیش کمار کا اقدام غیر اخلاقی ہے اور خواتین کے تحفظ، مساوات اور مذہبی آزادی کے عالمی اصولوں کی صریح خلاف ورزی ہے۔
بیان میں بھارتی حکومت سے اس واقعے کی تحقیقات کرانے کا مطالبہ کیا گیا ہے اور کہا گیا ہے کہ متاثرہ خاتون ڈاکٹر کو مکمل تحفظ اور انصاف فراہم کیا جائے۔
ایچ آر سی پی نے کہا ہے کہ کسی بھی عورت کے جسم، لباس یا مذہبی شناخت میں زبردستی مداخلت انسانی وقار کی سنگین پامالی ہے۔
Pages:
[1]