امریکا کا وینزویلا آنے جانے والے تیل بردار جہازوں کی ناکہ بندی کا حکم
https://jang.com.pk/assets/uploads/updates/2025-12-17/1538322_7349867_%D9%88%DB%8C%D9%86%D8%B2_updates.jpgفائل فوٹوامریکی صدر ڈونلڈ ٹرمپ نے وینزویلا آنے اور جانے والے تمام پابندی زدہ تیل بردار جہازوں کی ناکہ بندی کا حکم دے دیا۔
خبر ایجنسی کے مطابق امریکی صدر نے وینزویلا کی حکومت کو غیر ملکی دہشت گرد تنظیم قرار دیا ہے۔
ڈونلڈ ٹرمپ نے کہا کہ اثاثوں کی چوری، دہشت گردی اور اسمگلنگ کی وجہ سے وینزویلا حکومت کو دہشت گرد تنظیم قرار دیا گیا ہے۔ https://jang.com.pk/assets/uploads/updates/2025-12-11/1536507_065340_updates.jpg
امریکا نے وینزویلا کے ساحل کے قریب تیل بردار جہاز قبضے میں لے لیا
امریکا نے وینزویلا کے ساحل کے قریب تیل بردار جہاز کو قبضے میں لے لیا، جہاز کی شناخت ’THE SKIPPER‘کے نام سےہوئی ہے۔ https://jang.com.pk/assets/front/images/jang-icons/16x16.png
خبر ایجنسی کے مطابق امریکا کے تازہ ترین اقدامات وینزویلا کے صدر نکولس مادورو کی حکومت پر دباؤ بڑھانے اور ان کی آمدنی کے اہم ذرائع کو نشانہ بنانے کے لیے کیے گئے ہیں۔
واضح رہے کہ امریکا نے گزشتہ ہفتے وینزویلا کے ساحل کے قریب تیل بردار جہاز کو قبضے میں لیا تھا، امریکی اٹارنی جنرل کا کہنا تھا کہ جہاز کا دہشت گرد تنظیموں کی مدد کرنے والے غیرقانونی شپنگ نیٹ ورک سے تعلق ہے۔
امریکی صدر ڈونلڈ ٹرمپ وینزویلا کے خلاف زمینی کارروائی کا عندیہ بھی دے چکے ہیں۔
Pages:
[1]