ایک بار پھر ایم کیو ایم کو دیوار سے لگایا جارہا ہے، فاروق ستار
https://jang.com.pk/assets/uploads/updates/2025-12-17/1538399_4845277_%D9%81%D8%A7%D8%B1%D9%88_updates.jpgفائل فوٹو
ایم کیو ایم پاکستان کے رہنما فاروق ستار نے کہا ہے کہ ایک بار پھر سازش کے تحت ایم کیو ایم کو دیوار سے لگایا جارہا ہے۔
کراچی میں ایم کیو ایم کارکن کی نماز جنازہ کے بعد میڈیا سے گفتگو میں فاروق ستار نے کہا کہ ہمارے کارکن کو پُر رونق علاقے میں فائرنگ کر کے قتل کیا گیا۔
انہوں نے کہا کہ سرجانی اور ملیر کے کامیاب جلسوں کی وجہ سے مخالفین ڈر رہے ہیں، ایم کیو ایم مستحکم ہورہی ہے، ایم این اے کے فنڈز سے ترقیاتی کام ہورہے ہیں۔ https://jang.com.pk/assets/uploads/updates/2025-12-17/1538301_051921_updates.jpg
نیو کراچی میں فائرنگ سے MQM کا کارکن جاں بحق
نیوکراچی میں چائے کے ہوٹل پر فائرنگ سے واٹر بورڈ کا ملازم جاں بحق ہوگیا، پولیس کے مطابق بظاہر ٹارگٹڈ کلنگ کی گئی، سی سی ٹی وی حاصل کرنے کی کوشش کی جارہی ہے، ایم کیو ایم کا کہنا ہے کہ جاں بحق شہزاد نیوکراچی یوسی8 کےجوائنٹ انچارج تھے۔ https://jang.com.pk/assets/front/images/jang-icons/16x16.png
فاروق ستار نے مطالبہ کیا کہ آئی جی سندھ اور وزیراعلیٰ مراد علی شاہ حاجی شہزاد کے قاتلوں کو گرفتار کریں۔
قبل ازیں نیو کراچی سیکٹر 5 ای میں ایم کیو ایم کارکن حاجی شہزاد کی نماز جنازہ ادا کی گئی جس میں ایم کیو ایم رہنماؤں اور کارکنوں نے بڑی تعداد میں شرکت کی۔
واضح رہے کہ گزشتہ روز نیوکراچی میں چائے کے ہوٹل پر فائرنگ سے واٹر بورڈ کا ملازم جاں بحق ہوگیا تھا۔
پولیس کے مطابق بظاہر ٹارگٹڈ کلنگ کی گئی جبکہ ایم کیو ایم کا کہنا تھا کہ جاں بحق شہزاد نیو کراچی یوسی 8 کے جوائنٹ انچارج تھے۔
Pages:
[1]