کراچی: ریڈ لائن منصوبہ، کئی ماہ بعد لاٹ 2 پر کام شروع
https://jang.com.pk/assets/uploads/updates/2025-12-17/1538401_1513031_red-line-bus_updates.jpg—تصویر بشکریہ سوشل میڈیا
کراچی میں کئی ماہ بعد ریڈ لائن منصوبے کی لاٹ 2 پر کام شروع ہو گیا۔
انتظامیہ کا کہنا ہے کہ لاٹ 2 میں محکمۂ موسمیات سے نمائش چورنگی تک سڑک شامل ہے، نیپا تا حسن اسکوائر کے 4 حصوں کے علاوہ پوری لاٹ 2 کا کام جاری ہے۔
ریڈ لائن بس انتظامیہ کے مطابق جیل چورنگی تا پیپلز چورنگی سڑک پر تیزی سے کام جاری ہے، پیپلز چورنگی تا کشمیر روڈ پر بھی سڑک بچھائی گئی ہے، لاٹ 1 پر موجود گلوب کو بھی جلدی منتقل کر دیا جائے گا۔ https://jang.com.pk/assets/uploads/updates/2025-08-18/1501877_073927_updates.jpg
کراچی میں ریڈ لائن بس منصوبہ کئی سال گزرنے کے باوجود مکمل نہیں ہوسکا
کراچی کا بی آر ٹی ریڈ لائن منصوبہ تقریباً 27 کلومیٹر طویل ہے، اس کی خاصیت یہ ہے کہ ملک میں پہلی بار کسی بی آر ٹی کے منصوبے میں انڈر گراؤنڈ واٹر ٹینک بھی بنایا جا رہا ہے۔https://jang.com.pk/assets/front/images/jang-icons/16x16.png
انتظامیہ نے بتایا ہے کہ لاٹ 1 پر بھی کام کی رفتار میں تیزی آئی ہے، ٹھیکے داروں کے ساتھ بھی معاملات حل ہونے کو ہیں۔
انتظامیہ کے مطابق جوڈیشل سوسائٹی اور ہائیڈرنٹس کے پاس سڑک کا کام مکمل کر لیا ہے، دیگر اداروں کے ساتھ بھی رابطوں کو تیز کر دیا گیا ہے۔
Pages:
[1]