امریکی دھمکیاں، چین وینزویلا کی حمایت میں سامنے آگیا
https://jang.com.pk/assets/uploads/updates/2025-12-18/1538690_1036761_china_updates.jpgفائل فوٹوامریکی صدر ڈونلڈ ٹرمپ کے بیان پر چین وینزویلا کی حمایت میں سامنے آگیا ۔
چینی وزیر خارجہ وانگ ژی نے وینزویلین ہم منصب ایوان گل سے ٹیلی فون پر بات چیت میں وینزویلا کی موجودہ مشکل صورتحال پر تبادلہ خیال کیا۔
چینی وزیر خارجہ نے گفتگو میں کہا کہ چین تمام یکطرفہ دھونس آمیز رویوں کی مخالفت اور تمام ملکوں کے اپنی خودمختاری و قومی وقار کے دفاع کی حمایت کرتا ہے۔ https://jang.com.pk/assets/uploads/updates/2025-12-17/1538322_104719_updates.jpg
امریکا کا وینزویلا آنے جانے والے تیل بردار جہازوں کی ناکہ بندی کا حکم
ڈونلڈ ٹرمپ نے کہا کہ اثاثوں کی چوری، دہشتگردی اور اسمگلنگ کی وجہ سے وینزویلا حکومت کو دہشت گرد تنظیم قرار دیا گیا ہے۔ https://jang.com.pk/assets/front/images/jang-icons/16x16.png
امریکی صدر کی جانب سے وینزویلا آنے جانے والے پابندیوں میں شامل تیل بردار جہازوں کی مکمل ناکہ بندی کے حکم پر ردعمل دیتے ہوئے وانگ ژی نے مطالبہ کیا کہ عالمی برادری بھی وینزویلا کے جائز حقوق اور مفادات کے دفاع کی حمایت کرے۔
اس موقع پر وینزویلا کے وزیر خارجہ نے کہا کہ حکومت اور عوام مضبوطی سے اپنے ملک کی خودمختاری اور آزادی کا دفاع کریں گے، طاقت کی سیاست اور کسی دھمکی کو قبول نہیں کریں گے۔
اس سے پہلے صدر ٹرمپ نے وینزویلا حکومت کو غیر ملکی دہشت گرد تنظیم قرار دیتے ہوئے امریکی اثاثوں کی چوری، منشیات اسمگلنگ اور انسانی اسمگلنگ میں ملوث قرار دیا تھا۔
خبر ایجنسی کے مطابق امریکا کے تازہ ترین اقدامات وینزویلا کے صدر نکولس مادورو کی حکومت پر دباؤ بڑھانے اور ان کی آمدنی کے اہم ذرائع کو نشانہ بنانے کے لیے کیے گئے ہیں۔
Pages:
[1]