میانمار کی فوجی حکومت کا آنگ سانگ سوچی کی صحت بہتر ہونے کا دعویٰ
https://jang.com.pk/assets/uploads/updates/2025-12-18/1538696_2475745_2_updates.jpgفائل فوٹومیانمار کی فوجی حکومت （جنتا） نے دعویٰ کیا ہے کہ نظر بند سابق رہنما آنگ سانگ سوچی کی صحت بہتر ہے۔
یہ بیان ایسے وقت میں سامنے آیا ہے جب ایک روز قبل ان کے بیٹے کم آرس نے خدشہ ظاہر کیا تھا کہ انہیں اپنی 80 سالہ والدہ کی صحت کے بارے میں بہت کم معلومات مل رہی ہیں اور انہیں ڈر ہے کہ کہیں وہ ماں کی موت کی خبر بھی نہ جان سکیں۔
غیر ملکی خبر رساں ادارے کے مطابق جنتا کے زیرانتظام میانمار ڈیجیٹل نیوز میں جاری بیان میں کہا گیا کہ آنگ سانگ سوچی کی صحت اچھی ہے، تاہم بیان میں ان کی صحت سے متعلق کوئی تفصیلات یا شواہد فراہم نہیں کیے گئے۔
ٹوکیو میں دیے گئے ایک انٹرویو میں کم آرس کا کہنا تھا کہ انہوں نے کئی برسوں سے اپنی والدہ سے کوئی رابطہ نہیں کیا اور ان کا خیال ہے کہ آنگ سانگ سوچی کو میانمار کے دارالحکومت نیپیداؤ میں قید رکھا گیا ہے۔
کم آرس نے کہا کہ میانمار میں 28 دسمبر سے شروع ہونے والے مرحلہ وار انتخابات ان کی والدہ کی رہائی یا کم از کم نظر بندی میں نرمی کا موقع فراہم کر سکتے ہیں، تاہم کئی عالمی حکومتیں ان انتخابات کو فوجی اقتدار کو جائز قرار دینے کی کوشش قرار دے کر مسترد کر چکی ہیں۔ https://jang.com.pk/assets/uploads/updates/2025-12-15/1537715_025609_updates.jpg
آنگ سانگ سوچی کی حالت تشویشناک ہے: بیٹا
انہوں نے کہا کہ امید ہے آنگ سانگ سوچی کی رہائی اس ماہ میانمار کے انتخابات کے دوران ہوجائے گی۔ https://jang.com.pk/assets/front/images/jang-icons/16x16.png
انہوں نے امید ظاہر کی کہ فوجی حکومت تنقید کم کرنے کے لیے آنگ سانگ سوچی کو رہا کر سکتی ہے یا کم از کم انہیں گھر میں نظر بند کیا جا سکتا ہے۔
نوبیل امن انعام یافتہ آنگ سانگ سوچی کو 2021 میں فوجی بغاوت کے بعد حراست میں لیا گیا تھا، جس کے نتیجے میں ان کی منتخب سویلین حکومت کا تختہ الٹ دیا گیا اور ملک خانہ جنگی کا شکار ہو گیا۔
وہ اس وقت اشتعال انگیزی، بدعنوانی اور انتخابی دھاندلی سمیت مختلف الزامات میں 27 سال قید کی سزا کاٹ رہی ہیں۔
Pages:
[1]