بھارت جنوبی افریقہ چوتھا ٹی ٹوئنٹی اسموگ کے باعث منسوخ، بی سی سی آئی کی شیڈولنگ پر سخت تنقید
https://jang.com.pk/assets/uploads/updates/2025-12-18/1538708_4426379_News2_updates.jpgفوٹو بشکریہ بھارتی میڈیابھارت اور جنوبی افریقہ کے درمیانگزشتہ شیڈول چوتھا ٹی ٹوئنٹی میچ شدید دھند اور اسموگ کے باعث حدِ نگاہ انتہائی کم ہونے کے سبب منسوخ کر دیا گیا۔
بھارتی میڈیا کے مطابق یہ میچ لکھنؤ کے ایکانا اسٹیڈیم میں ہونا تھا تاہم شدید دھند کے باعث میچ آفیشلز نے مقابلہ منسوخ کرنے کا فیصلہ کیا۔
بی سی سی آئی نے اپنے جاری کردہ بیان میں کہا کہ میچ ’انتہائی دھند‘ کے سبب ممکن نہیں ہو سکا جبکہ حقیقت میں اسٹیڈیم اور اس کے اطراف فضائی آلودگی چھائی ہوئی تھی جس نے کھلاڑیوں اور امپائرز کے لیے کھیل کو ناممکن بنا دیا تھا۔
بھارتی میڈیا کا کہنا ہے کہ میچ شام 7 بجے شروع ہونا تھا مگر چھ مرتبہ معائنہ کرنے کے بعد رات 9:30 بجے مقابلہ منسوخ کر دیا گیا۔ https://jang.com.pk/assets/uploads/updates/2025-10-23/1522192_032639_updates.jpg
مسلمان کرکٹرز کو ٹیم میں شامل نہ کرنے پر بھارتی بورڈ تنقید کی زد میں آگیا
بورڈ آف کنٹرول فار کرکٹ ان انڈیا （بی سی سی آئی） سرفراز خان اور محمد شامی کو اسکواڈ سے باہر کرنے پر شدید تنقید کی زد میں آگیا۔https://jang.com.pk/assets/front/images/jang-icons/16x16.png
بھارتی میڈیا کے مطابق گزشتہ روز لکھنؤ میں ایئر کوالٹی انڈیکس 400 سے اوپر رہا جو خطرناک سطح سمجھی جاتی ہے۔
میچ شروع ہونے کے انتظار کے دوران بھارتی آل راؤنڈر ہاردک پانڈیا کو آلودگی سے بچنے کے لیے ماسک پہنے ہوئے بھی دیکھا گیا۔ کھلاڑیوں نے شام 7:30 بجے وارم اپ سیشن ترک کر دیا جبکہ سرد موسم میں موجود تماشائی بھی آہستہ آہستہ اسٹیڈیم سے گھر جانے لگے۔
سوشل میڈیا پر شائقین کرکٹ نے بی سی سی آئی کو آڑے ہاتھوں لیتے ہوئے سوال اٹھایا ہے کہ سردیوں کے موسم میں شمالی بھارت کے شہروں میں میچوں کی منصوبہ بندی کیوں کی گئی جہاں اسموگ اور خراب موسم ایک عام مسئلہ ہے۔
بھارتی ماہرین اور شائقین کا کرکٹ بورڈ پر سخت تنقید کرتے ہوئے کہنا ہے کہ بی سی سی آئی کو میچوں کی منصوبہ بندی کے دوران موسمی حالات اور فضائی آلودگی کو سنجیدگی سے مدنظر رکھنا چاہیے تاکہ کھلاڑیوں کی صحت اور تماشائیوں کے حقوق کا تحفظ کیا جا سکے۔
Pages:
[1]