51 ہزار بھکاریوں کو ڈی پورٹ کرنے کی بات درست نہیں: سید آغا رفیع اللّٰہ
https://jang.com.pk/assets/uploads/updates/2025-12-19/1538999_5812651_nEWS3_updates.jpg---فائل فوٹو
چیئرمین قائمہ کمیٹی قومی اسمبلی سید آغا رفیع اللّٰہ نے کہا ہے کہ محنت مزدوری کے لیے باہر جانے والوں کو آف لوڈ کرنے پر تشویش ہے، 51 ہزار بھکاریوں کو ڈی پورٹ کرنے کی بات درست نہیں۔
جیو نیوز کے پروگرام ’جیو پاکستان‘ میں گفتگو کے دوران آغا رافیع اللّٰہ نے کہا کہڈی پورٹ ہونے والوں میں 11 سو کے قریب بھکاری لوگ شامل تھے، ڈی پورٹ ہونے والوں میں منشیات کا استعمال کرنے والے اور جرائم پیشہ افراد ہیں۔
سید آغا رفیع اللّٰہ کا کہنا ہے کہ ڈی پورٹ ہونے والوں میں وہ لوگ ہیں جن پر مقدمات تھے، دستاویزات مکمل نہیں تھے، ڈی پورٹ ہونے والوں میں مقررہ مدت سے زائد رکنے والے بھی شامل ہیں، ڈی پورٹ ہونے والوں کے پاسپورٹ پر پابندی لگائیں گے، 5 سال باہر نہیں جا سکتے۔ https://jang.com.pk/assets/uploads/updates/2025-12-17/1538375_024951_updates.jpg
مختلف ممالک میں بھیک مانگنے پر ہزاروں پاکستانی ڈی پورٹ
قومی اسمبلی کی قائمہ کمیٹی برائے اوور سیز پاکستانیز اور انسانی حقوق کا اجلاس چیئرمین کمیٹی آغا رفیع اللہ کی سربراہی میں ہوا۔ https://jang.com.pk/assets/front/images/jang-icons/16x16.png
انہوں نے مزید کہا کہ جس شخص نے زندگی میں کبھی ٹریول نہیں کیا وہ کمبوڈیا جا رہا ہے، لوگ ٹورسٹ ویزے پر کمبوڈیا جا رہے ہیں اور وہاں جا کر پھنس جاتے ہیں۔
سید آغا رفیع اللّٰہ کا کہنا تھا کہ ایف آئی اے بیرون ملک جانے والوں کی ٹریول ہسٹری، اکاؤنٹس، ہوٹل بکنگ دیکھتی ہے، میرے حلقے سے ایک لڑکا مزدوری کے لیے کمبوڈیا گیا، وہاں اسے کیمپ میں بند کردیا گیا، 12 سے 13 ہزار پاکستانی کمبوڈیا میں پھنسے ہوئے ہیں، ان کا کوئی پتہ نہیں۔
ان کا کہنا تھا کہ ایسی بھی اطلاع ہیں کہ محنت کے لیے باہر جانے والوں کے اعضاء فروخت کیے گئے ہیں۔
آغا رفیع اللّٰہ نے کہا کہ جرائم پیشہ افراد کو سزا پوری کرنے کے بعد بیرون ملک سے ڈی پورٹ کیا جاتا ہے، ایف آئی اے نے دو طالبعلموں کو شکایت پر ڈی پورٹ کیا، طالبعلموں کے متعلق شکایت آئی تھی، ان کو یونیورسٹی کا نام بھی نہیں پتہ تھا، طالبعلموں نے بتایا کہ ایجنٹ نے کہا کہ اسٹوڈنٹس ویزے پر لے کر جائیں گے۔ https://jang.com.pk/assets/uploads/akhbar/2025-12-18/1538625_033925_updates.jpg
سعودی عرب سے 56 ہزار پاکستانی بھیک مانگنے پر ڈی پورٹ، اس سال 85 لاکھ افراد بیرون ملک روانہ
اسلام آباد ڈائیریکٹر جنرل ایف آئی اے رفعت مختار... https://jang.com.pk/assets/front/images/jang-icons/16x16.png
انہوں نے یہ بھی کہا کہ ایک ایپ شروع کر رہے ہیں جس کے تحت آپ گھر بیٹھے امیگریشن کروائیں گے، آپ کو ایک کیو آر کوڈ ملے گا، آپ کیو آر کوڈ دکھائیں گے، تصویر بنوائیں اور چلے جائیں، امیگریشن ایپ کو اسلام آباد سے شروع کر رہے ہیں، جَلد ملک بھر میں سہولت دستیاب ہوگی۔
Pages:
[1]