بھارتی ایجنٹ لیاری میں داخل ہوتا تو زندہ واپس نہ جاتا: نبیل گبول
https://jang.com.pk/assets/uploads/updates/2025-12-19/1539024_9700005_%D9%86%D8%B7%D9%86%D8%B2%D8%B7_updates.jpg— فائل فوٹو
کراچی کے علاقے لیاری سے رکن قومی اسمبلی نبیل احمد گبول نے پاکستان مخالف بھارتی متنازع فلم ’دھریندر‘ کو پاکستان کو بدنام کرنے کی ناکام سازش قرار دے دیا۔
حال ہی میں پاکستان پیپلز پارٹی کے رہنما نے نجی میڈیا چینل سے گفتگو کرتے ہوئے فلم دھریندر میں دکھائے گئے اپنے کردار پر ردعمل دیا اور کہا کہ میں فلم والے نبیل گبول سے زیادہ خوبصورت ہوں۔
انہوں نے فلم پر سخت تنقید کرتے ہوئے کہا کہ فلم میں میرے کردار اور لیاری کی غلط انداز میں عکاسی کی گئی ہے۔
نبیل گبول کا کہنا تھا کہ رافیل طیارے گرائے جانے کے بعد بھارت پاگل ہو گیا ہے، ان کو پتہ چل گیا ہے کہ اب وہ پاکستان پر حملہ نہیں کر سکتے اس لیے وہ فلموں کے ذریعے پاکستان کو بدنام کرنے کی ناکام کوشش کر رہا ہے۔ https://jang.com.pk/assets/uploads/updates/2025-12-19/1538989_094527_updates.jpg
لیاری میں رحمٰن ڈکیٹ کا گھر اب کیسا دکھائی دیتا ہے اور یہاں کون رہتا ہے؟
پاکستان مخالف بھارتی متنازع فلم ’دھریندر‘ کی کہانی گھومتی ہے ’پیپلز امن کمیٹی کے بانی سربراہ سردار عبدالرحمان بلوچ عرف کراچی انڈر ورلڈ کے ڈان سے شہرت رکھنے والے رحمان ڈکیت کے گرد۔ https://jang.com.pk/assets/front/images/jang-icons/16x16.png
نبیل گبول کا یہ بھی کہنا تھا کہ اگر کوئی بھارتی ایجنٹ لیاری میں داخل ہوتا تو وہ زندہ واپس نہ جا پاتا، جو اس بات کا ثبوت ہے کہ لیاری کے لوگ نہایت باخبر اور اپنے علاقے کے تحفظ کے حوالے سے حساس ہیں۔
انہوں نے زور دیا کہ فلم میں لیاری کو دہشت گردی کا گڑھ دکھایا گیا ہے، جو سراسر غلط ہے، کیونکہ لیاری کسی بھی قسم کی انتہاپسند سرگرمیوں کا مرکز نہیں ہے۔
انہوں نے دھریندر پر عائد پابندی کا خیر مقدم کرتے ہوئے کہا کہ یہ عمل پاکستان کے خلاف منفی پروپیگنڈا پھیلانے کو روکنے میں اہم کردار ادا کرے گا۔
Pages:
[1]