9 مئی کو کلب چوک جی او آر کے گیٹ پر حملے کے مقدمے کا فیصلہ سنادیا گیا
https://jang.com.pk/assets/uploads/updates/2025-12-19/1539074_8118791_smq_updates.jpgفائل فوٹوانسداد دہشتگردی عدالت لاہور نے 9 مئی کو کلب چوک جی او آر کے گیٹ پر حملے کے مقدمے کا فیصلہ سنادیا۔
اے ٹی سی کے جج منظر علی گل نے کوٹ لکھپت جیل میں اس کیس کا فیصلہ سنایا۔
عدالت نے مقدمے سے پی ٹی آئی کے رہنما شاہ محمود قریشی کو بری کردیا۔
علاوہ ازیں ڈاکٹر یاسمین راشد، میاں محمود الرشید، اعجاز چوہدری، عمر سرفراز چیمہ کو 10،10 سال قید کی سزا سنائی گئی ہے۔
ٹرائل کے دوران ڈاکٹر یاسمین راشد سمیت 21 ملزمان کے حتمی بیانات قلمبند کیے گئے تھے جبکہ پراسیکیوشن کی جانب سے 56 گواہوں کو عدالت میں پیش کیا گیا تھا۔
واضح رہے کہ ٹرائل کے دوران 4 ملزمان کو اشتہاری بھی قرار دیا گیا تھا۔
Pages:
[1]