کیا خلائی مخلوق زمین کا رخ کر رہی ہے؟ سائنسدانوں کے حیران کن انکشافات
https://jang.com.pk/assets/uploads/updates/2025-12-20/1539336_2637131_News6_updates.jpg---فائل فوٹو
خلا میں ایک پُراسرار چیز کی موجودگی نے دنیا بھر کے ماہرینِ فلکیات میں نئی بحث چھیڑ دی جسے بعض حلقے ’خلائی مخلوق کا جنگی جہاز‘ قرار دے رہے ہیں۔
اس چیز کو 3i/ATLAS کا نام دیا گیا ہے جو جمعہ 19 دسمبر کو زمین کے قریب ترین مقام سے گزری۔
یہ تقریباً 1 لاکھ 30 ہزار میل فی گھنٹہ کی رفتار سے سفر کر رہی تھی اور زمین سے 17 کروڑ میل کے فاصلے پر تھی جو سورج کے فاصلے سے تقریباً دو گنا ہے۔ https://jang.com.pk/assets/uploads/magazine/2025-12-06/1535004_021217_updates.jpg
زمین کی گم شدہ دنیا پروٹو ارتھ
اس کے قدیم اجزاء کی نئی سائنسی دریافت سیّاروی تشکیلی عمل، میٹیورائٹس کی حقیقت، زمین کے اندرونی مکسنگ کے عمل اور نظامِ شمسی کے ابتدائی مادّے کے بارے میں نئے سوالات اُٹھاتی ہے https://jang.com.pk/assets/front/images/jang-icons/16x16.png
ماہرینِ فلکیات کا کہنا ہے کہ یہ ایکدمدار ستارہ （کامیٹ） ہے تاہم ہارورڈ یونیورسٹی کے ماہرِ فلکیات ایوی لوب نے امکان ظاہر کیا ہے کہ یہ کسی غیر زمینی مخلوق کا خلائی جہاز بھی ہو سکتا ہے۔
ان کے مطابق اس امکان کو مکمل طور پر نظرانداز نہیں کیا جا سکتا۔
ایوی لوب نے خبردار کیا ہے کہ اگر یہ واقعی کسی غیر زمینی ٹیکنالوجی کا حصہ ہوا تو یہ ایک ممکنہ خطرہ بھی بن سکتی ہے۔
ان کا کہنا تھا کہ جب خلا میں کسی اجنبی سے ملاقات ہو تو یہ اندازہ لگانا مشکل ہوتا ہے کہ وہ دوست ہے یا دشمن۔
دوسری جانب ناسا سے وابستہ سائنسدان ایمت کشتریا کا کہنا ہے کہ یہ شے ایک عام دمدار ستارہ ہے اور اس کی تمام خصوصیات اسی طرف اشارہ کرتی ہیں۔ https://jang.com.pk/assets/uploads/magazine/2025-10-11/1518502_012226_updates.jpg
بگ بینگ سے پہلے کیا تھا ؟
انسان صدیوں سے یہ جاننے کی کوشش کر رہا ہے کہ ’’کچھ نہیں‘‘ سے ’’سب کچھ‘‘ کیسے نمودار ہوا، فلسفے نے تو کئی جوابات دیے، مگر سائنس دانوں پر اب تک یہ عقدہ نہیں کُھلا ہے۔ https://jang.com.pk/assets/front/images/jang-icons/16x16.png
آکسفورڈ یونیورسٹی کے ماہرِ فلکیات پروفیسر کرس لنٹوٹ نے اس دعوے کو مکمل طور پر مسترد کرتے ہوئے کہا ہے کہ اسے خلائی مخلوق سے جوڑنا بےبنیاد بات ہے۔
سائنسدانوں کے مطابق یہ دمدار ستارہ تقریباً آٹھ ارب سال پرانا ہو سکتا ہے جو ہماری کہکشاں میں کسی دوسرے ستارے کی پیدائش کے دوران وجود میں آیا ہوگا۔
اگرچہ خلائی مخلوق کی آمد کے دعوے نے سنسنی پھیلا دی ہے مگر سائنسی برادری کی اکثریت اسے ایک قدرتی فلکیاتی مظہر قرار دے رہی ہے۔
Pages:
[1]