وزیراعلیٰ سہیل آفریدی پنجاب اسمبلی میں ہمارے مہمان ہیں، اپوزیشن لیڈر
https://jang.com.pk/assets/uploads/updates/2025-12-26/1541105_9145820_riaz_updates.jpgفائل فوٹوپنجاب اسمبلی میں اپوزیشن لیڈر معین ریاض قریشی نے کہا ہے کہ وزیراعلیٰ خیبر پختونخوا سہیل آفریدی آج پنجاب اسمبلی میں ہمارے مہمان ہیں۔
میڈیا سے غیر رسمی گفتگو میں معین ریاض قریشی نے کہا کہ وزیراعلیٰ خیبر پختونخوا کو ہم خوش آمدید کہتے ہیں، سہیل فریدی اور دیگر رہنما ارکان پنجاب اسمبلی سے خطاب کریں گے۔
انہوں نے کہا کہ سیکریٹری پنجاب اسمبلی کو ہم نے تمام مہمانوں کی لسٹ دے دی ہے، اگر ہمارے کسی بھی مہمان کو روکنے کی کوشش کی گئی یا بدتمیزی ہوئی تو ہمارا رخ مال روڈ کی طرف ہوجائے گا۔ https://jang.com.pk/assets/uploads/updates/2025-12-26/1541072_120135_updates.jpg
وزیراعلیٰ کے پی سہیل آفریدی قافلے کے ہمراہ لاہور روانہ
سی ایم ہاؤس ذرائع کے مطابق وزیر اعلیٰ خیبرپختونخوا کا کوٹ لکھپت جیل جانے کا امکان ہے، وہ اسیر رہنماؤں کے گھروں کا دورہ بھی کریں گے۔ https://jang.com.pk/assets/front/images/jang-icons/16x16.png
معین ریاض قریشی نے مزید کہا کہ امید ہے پنجاب اسمبلی میں پُرامن طور پر ہی مہمانوں کو ویلکم کیا جائے گا۔
یاد رہے کہ وزیراعلیٰ خیبر پختونخوا سہیل آفریدی قافلے کے ہمراہ لاہور کے لیے روانہ ہوگئے ہیں، سہیل آفریدی لاہور میں تین روزہ قیام کریں گے۔
وزیراعلیٰ ہاؤس کے ذرائع کا کہنا تھا کہ سہیل آفریدی براستہ موٹر وے لاہور جارہے ہیں، سہیل آفریدی پنجاب اسمبلی میں تحریک انصاف کے پارلیمنٹرینز سے ملاقات کریں گے۔
Pages:
[1]