بھارتی طالب علم نے والدین پر بوجھ نہ بننے کے سبب خودکشی کرلی
https://jang.com.pk/assets/uploads/updates/2025-12-25/1540798_4939881_News1_updates.jpgفوٹو بشکریہ بھارتی میڈیا
بھارتی شہر گریٹر نوئیڈا میں بی ٹیک کے پہلے سال کے طالب علم نے خودکشی کرلی۔
بھارتی میڈیا کے مطابق طالبعلم آکاش دیپ بہار کا رہنے والا تھا اور دہلی ٹیکنیکل کیمپس میں بی ٹیک کا طالب علم تھا۔ آکاش دیپ اپنے ہاسٹل کے کمرے میں پھندے سے لٹکا ہوا پایا گیا۔
واقعے کے وقت اس کا روم میٹ باہر گیا ہوا تھا، واپسی پر اس نے آکاش دیپ کو لٹکا ہوا دیکھا اور فوری طور پر اسے اسپتال پہنچایا جہاں ڈاکٹروں نے آکاش کو مردہ قرار دے دیا۔
بھارتی میڈیا کے مطابق پولیس کو کمرے سے آکاش کی جانب سے لکھا گیا ایک خط بھی ملا ہے جو اس نے اپنے والدین کے نام اپنی جان لینے سے قبل لکھا۔ https://jang.com.pk/assets/uploads/updates/2025-11-20/1530218_082029_updates.jpg
بھارت: زبان کے جھگڑے پر تشدد کا نشانہ بننے والے طالب علم نے خودکشی کرلی
طالب علم کی شناخت ارنَو کھیرے کے طور پر ہوئی ہے، جو تھانے کے علاقے کلیان ایسٹ کا رہائشی تھا اور روزانہ ٹرین کے ذریعے ملنڈ واقع اپنے کالج جایا کرتا تھا۔ https://jang.com.pk/assets/front/images/jang-icons/16x16.png
آکاش دیپ نے اپنے والدین سے معافی مانگتے ہوئے خط میں لکھا ہے کہ وہ مزید ان کے پیسے ضائع نہیں کرنا چاہتا، وہ اپنی موت کا ذمہ دار خود ہے اور اس کے لیے کسی اور کو موردِ الزام نہ ٹھہرایا جائے۔
بھارتی میڈیا کے مطابق آکاش دیپ نے لکھا ہے کہ گیارہویں اور بارہویں جماعت میں بھی اس کے نتائج اچھے نہیں آئے تھے، ایک سال کا وقفہ بھی لیا اور وہ یہی صورتحال دوبارہ نہیں دہرانا چاہتا، وہ چار سال تک پڑھائی جاری رکھ کر والدین کو جھوٹی امید نہیں دینا چاہتا اس لیے یہ قدم اٹھا رہا ہے۔
بھارتی میڈیا کا کہنا ہے کہ ابتدائی تحقیقات میں یہ بات سامنے آئی ہے کہ طالب علم نے پڑھائی کے دباؤ کے باعث خودکشی کی ہے۔
Pages:
[1]