شہزادہ ولیم کا تاحال شہزادہ ہیری کے شاہی رقم کے استعمال پر غصے کا اظہار
https://jang.com.pk/assets/uploads/updates/2025-12-25/1540804_7367547_News3_updates.jpg---فائل فوٹو
برطانوی شاہی خاندان کے چشم و چراغ شہزادہ ولیم نے چھوٹے بھائی، شاہی خاندان سے منحرف شہزادہ ہیری کے شاہی ذمہ داریوں سے علیحدگی کے باوجود تاحال شاہی خاندان سے مالی فوائد حاصل کرنے پر غصے کا اظہار کیا ہے۔
شہزادہ ہیری نے 2020ء میں شاہی فرائض سے دستبرداری اختیار کی تھی تاہم اس کے باوجود وہ شاہی نظام سے جڑی مالی سہولتوں سے فائدہ اٹھا رہے ہیں۔
شاہی ذرائع کے مطابق شہزادہ ہیری کو 2024ء میں اپنی پردادی کے قائم کردہ ایک ٹرسٹ سے تقریباً ایک کروڑ ڈالر وراثت میں ملے ہیں جس پر شہزادہ ولیم کو سخت تحفظات ہیں۔
برطانوی شاہی خاندان کے قریبی ذرائع نے بتایا ہے شہزادہ ولیم چاہتے ہیں کہ ہیری اپنے فیصلے کے ’مالی نتائج‘ بھی بھگتیں تاکہ اُنہیں اپنے فیصلے کی سنگینی کا احساس ہو سکے۔ https://jang.com.pk/assets/uploads/updates/2023-09-04/1265169_122819_updates.jpg
شہزادہ ہیری کی سوانح حیات پر شہزادہ ولیم کا سخت ردِ عمل
پرنس آف ویلز ولیم نے اپنے چھوٹے بھائی شہزادہ ہیری کی سوانح حیات پر سخت ردِ عمل کا اظہار کیا ہے۔https://jang.com.pk/assets/front/images/jang-icons/16x16.png
شاہی خاندان کے قریبی ذرائع نے بتایا ہے کہ ولیم اس بات پر ناراض ہیں کہ ہیری نے شاہی خاندان سے علیحدگی اختیار کی، ان پر تنقید کی لیکن پھر بھی شاہی نظام سے فائدہ اٹھا رہے ہیں۔ پرنس ولیم کے نزدیک وفاداری اور فرض کی اہمیت ہونی چاہیے، ورنہ پورا نظام کمزور ہو جاتا ہے۔
شاہی خاندان کے ذرائع کا کہنا ہے کہ یہ معاملہ شہزادہ ولیم کے لیے ایک واضح حد بن چکا ہے، انہوں نے اپنے قریبی لوگوں کو بتایا ہے کہ اگر ابھی حدود مقرر نہ کی گئیں تو مستقبل میں یہ ممکن نہیں ہوگا۔
شاہی ذرائع کے مطابق پرنس ولیم بادشاہ بننے کے بعد اس معاملے پر سخت فیصلے کرنے کا ارادہ رکھتے ہیں اور ان کے خیال میں شاہی فرائض چھوڑنے پر شہزادہ ہیری کو مالی نتائج کا سامنا کرنا چاہیے۔
Pages:
[1]