قائداعظم کے سنہری اصول درخشاں قومی مستقبل کی ضمانت ہیں، وزیراعظم
https://jang.com.pk/assets/uploads/updates/2025-12-25/1540645_5724488_shebaz-new_updates.jpgوزیراعظم شہباز شریف کا کہنا ہے کہ قائداعظم کے سنہری اصول ایمان، اتحاد، تنظیم درخشاں قومی مستقبل کی ضمانت ہیں۔
قائد اعظم محمد علی جناح کے یوم پیدائش پر وزیراعظم شہباز شریف نےاپنے پیغام میں کہا کہ ہر سال قائد اعظم کا یوم پیدائش پوری قوم کیلئے تجدید عہد کا موقع بھی فراہم کرتا ہے۔
وزیراعظم کا کہنا تھا کہ قائد اعظم نے بلاتفریق رنگ و نسل، مذہبی ہم آہنگی، معاشرتی رواداری اور انصاف جیسے رہنما اصولوں کا درس دیا۔
قائد اعظم کی سیاسی بصیرت نے قیام پاکستان اور مسلمانان برصغیر کے سیاسی مستقبل میں فیصلہ کن کردار ادا کیا۔
انہوں نے کہا کہ قائد اعظم محمد علی جناح نے تاریخ کا دھارا موڑ کر مملکت خداداد کے قیام کو ممکن بنایا، قائد اعظم نے مسلمانوں کیلئے ایک آزاد، خودمختار فلاحی ریاست کے عزم کیلئے بھرپور جدوجہد کی۔
وزیراعظم کا مزید کہنا تھا کہ قائد اعظم محمد علی جناح نے نہ صرف سیاسی مخالفین کا مقابلہ کیا بلکہ سامراجی قوتوں کو شکست دی۔
Pages:
[1]