سڑک پر لاوارث ملنے والے سابق چائلڈ اسٹار کا علاج کروانے سے انکار
https://jang.com.pk/assets/uploads/updates/2025-12-25/1540888_96707_chld_updates.jpgفوٹوز/ امریکی میڈیا2000 کی دہائی میں امریکی ٹی وی کے مقبول پروگرام نکلوڈین میں چائلڈ اسٹار کے طور پر کام کرنیوالے فنکار کی کیلیفورنیا کی سڑکوں پر لاوارث حالت میں ملنے کی ویڈیو سامنے آنے کے بعد اداکار کے والد کا بیان سامنے آگیا۔
سابق نِکلوڈین چائلڈ اسٹار ٹائلر چیس کے والد کاکہنا ہے کہ ان کا بیٹا بائی پولر ڈس آرڈر اور شیزوفرینیا میں مبتلا ہے، تاہم وہ علاج کروانے سے انکار کر رہا ہے۔
36 سالہ ٹائلر چیس نے 2000 کی دہائی کے اوائل میں بچوں کے مقبول شو ’’Ned’s Declassified School Survival Guide‘‘ میں اداکاری کی تھی۔
ستمبر میں پوسٹ کی گئی ایک ویڈیو جو اب وائرل ہو چکی ہے، میں انہیں امریکا کی سڑکوں پر بے گھر حالت میں دیکھا گیا، جس سے ان کی زندگی کے المناک موڑ کا انکشاف ہوا۔ https://jang.com.pk/assets/uploads/updates/2025-12-22/1539947_051902_updates.jpg
امریکی ٹی وی کا چائلڈ اسٹار سڑکوں پر لاوارث زندگی گزارنے پر مجبور
امریکی ٹی وی کے شو میں چائلڈ اسٹار کے طور پر کام کرنے والا فنکار کیلیفورنیا کی سڑکوں پر لاوارثوں کی طرح زندگی گزارتے دیکھا گیا ہے۔ https://jang.com.pk/assets/front/images/jang-icons/16x16.png
ٹائلر کے والد جوزف مینڈیز جونیئر نے ڈیلی میل کو بتایا کہ ان کا بیٹا ایک دہائی سے زائد عرصے سے ذہنی بیماری اور منشیات کے استعمال کے مسائل سے دوچار ہے۔
انہوں نے کہا کہ جب ٹائلر اپنی اصل حالت میں ہوتا ہے تو وہ ایک شاندار انسان ہے۔ خاندان نے برسوں تک اس کے لیے علاج کے مختلف راستے تلاش کیے، جن میں ذہنی صحت اور نشے کے علاج کی کوششیں شامل ہیں۔
مینڈیز کے مطابق 2015 میں شیزوفرینیا اور بائی پولر ڈس آرڈر کی تشخیص کے بعد ٹائلر کی حالت مزید بگڑ گئی۔
2021 کے آس پاس خاندان نے اسے جارجیا میں بحالی مرکز （ری ہیب） میں داخل کروایا، تاہم بعد میں اس نے علاج ترک کر دیا اور دوبارہ منشیات کا استعمال شروع کر دیا۔
جس کے بعد ٹائلر واپس کیلیفورنیا چلا گیا تاکہ اپنی والدہ پاؤلا موئیسو کے قریب رہ سکے، جو لاس اینجلس میں رئیل اسٹیٹ سے وابستہ ہیں۔
اداکار کو گزشتہ دنوں ایک ریور سائیڈ پر مٹی کھودتے ہوئے دیکھا گیا تھا۔ جب کسی نے پہنچاننے کے بعد اس سے بات کرنے کی کوشش کی تو انہوں نے کسی بھی ذہنی بیماری سے انکار کیا۔
رپورٹ کے مطابق ٹائلر کے کپڑے پھٹے ہوئے تھے، وہ مٹی سے اٹا ہوا نظر آ رہا تھا اور غیر معمولی رویہ اختیار کیے ہوئے تھا۔
عدالت کے ریکارڈ کے مطابق 2023 سے اب تک ان کے خلاف 12 فوجداری مقدمات درج ہیں، جن میں چوری اور منشیات کے استعمال کے الزامات شامل ہیں، تاہم پولیس کا کہنا ہے کہ وہ اس وقت کسی سنگین جرم میں مطلوب نہیں۔
ریور سائیڈ پولیس کا کہنا ہے کہ وہ پبلک سیفٹی انگیجمنٹ ٹیم کے ذریعے مسلسل ٹائلر سے رابطے میں ہیں، مگر وہ پناہ گاہ یا کسی بھی قسم کی مدد قبول کرنے سے انکار کرتے ہیں۔
سابق چائلڈ اسٹار ٹائلر نے بتایا کہ انہیں اپنی والدہ کی جانب سے مدد ملتی رہتی ہے اور وہ جلد جارجیا واپس جانے کا ارادہ رکھتے ہیں۔ ان کے مطابق وہاں ان کے لیے رہائش کا بندوبست ممکن ہے اور وہ کسی ہاؤسنگ اسسٹنس پروگرام میں شامل ہونے پر غور کر رہے ہیں۔
Pages:
[1]