صبا قمر کا اپنے خلاف مقدمے کی درخواست پر طنزیہ ردِعمل
https://jang.com.pk/assets/uploads/updates/2025-12-25/1540805_2096319_2_updates.jpgفائل فوٹوپاکستان کی معروف اداکارہ صبا قمر زمان نے اپنے خلاف مقدمے کی درخواست کے بعد پہلی بار خاموشی توڑ دی، اداکارہ نے انسٹاگرام اسٹوریز کے ذریعے جاری تنازع پر اپنا ردِعمل دیا ہے۔
صبا قمر کے خلاف لاہور کی سیشن کورٹ میں ایک درخواست دائر کی گئی ہے، جس میں الزام عائد کیا گیا ہے کہ اداکارہ نے بغیر اجازت پولیس کی وردی زیب تن کی۔
یہ معاملہ اس وقت سوشل میڈیا پر زیرِ بحث آیا جب ایک ویڈیو گردش کرنے لگی، جس میں صبا قمر کو ڈریسنگ روم میں ایس پی کی وردی پہنے دیکھا گیا، اس کے بعد اداکارہ نے ڈیوا میگزین کے ایڈیٹر اِن چیف راحیل راؤ کی ایک پوسٹ ری شیئر کی، جس میں انہوں نے صبا قمر کا دفاع کیا۔ https://jang.com.pk/assets/uploads/updates/2025-12-25/1540795_085742_updates.jpg
صبا قمر کیخلاف پنجاب پولیس کا یونیفارم پہننے پر مقدمہ درج کرنے کی درخواست
صبا قمر کے پولیس یونیفارم پہن کر ویڈیو شوٹ کروانے کے خلاف مقدمہ درج کرنے کی درخواست دائر کردی گئی۔ https://jang.com.pk/assets/front/images/jang-icons/16x16.png
راحیل راؤ نے طنزیہ انداز میں لکھا کہ ڈیئر مسٹر چومو! کیا آپ توقع کر رہے تھے کہ وہ پولیس افسر کا کردار دلہن کے لباس یا لان کے سوٹ کے ساتھ ادا کریں گی؟
انہوں نے مزید کہا کہ کیونکہ کردار ہمیشہ رول کے مطابق لباس پہنتے ہیں، نہ کہ آپ کی بے وقوفانہ تخلیق کے مطابق۔
اس بیان پر ردِعمل دیتے ہوئے صبا قمر نے مزاحیہ انداز اپناتے ہوئے لکھا کہ اوہ خدایا! آج کل میں بہت زیادہ مشہور ہوگئی ہوں، جس کے ساتھ انہوں نے مسکراتے ہوئے ایموجیز بھی شامل کیے۔ https://jang.com.pk/assets/uploads/updates/2025-12-25/1540805_7642771_Untitled-2_updates.jpg
واضح رہے کہ یہ درخواست وکیل آفتاب باجوہ نے شہری وسیم زوار کی جانب سے دائر کی ہے، جس میں مؤقف اختیار کیا گیا ہے کہ کسی بھی فرد کو سرکاری اجازت کے بغیر پولیس کی وردی یا ایس پی کے عہدے کا بیج استعمال کرنے کی اجازت نہیں۔
Pages:
[1]