رونالڈو کی شاندار کارکردگی، النصر کی مسلسل دسویں تاریخی فتح
https://jang.com.pk/assets/uploads/updates/2025-12-28/1541677_9541853_3_updates.jpgتصاویر:بین الاقوامی میڈیاپرتگال کے عالمی شہرت یافتہ فٹبال اسٹار کرسٹیانو رونالڈو نے دو شاندار گول داغ کر سعودی پرو لیگ میں النصر کو مسلسل دسویں تاریخی فتح دلا دی۔
ہفتہ 27 دسمبر کو کھیلے گئے میچ میں سعودی کلب النصر نے الاخدود کو 0-3 سے شکست دی۔
اس کامیابی کے ساتھ النصر نے سیزن کا شاندار آغاز برقرار رکھتے ہوئے پوائنٹس ٹیبل پر چار پوائنٹس کی برتری کے ساتھ پہلی پوزیشن مضبوط کر لی ہے۔
میچ کے دوران کرسٹیانو رونالڈو نے ہاف آور کے کچھ ہی بعد اسکورنگ کا آغاز کیا، جب وہ اینجلو گومز کی ہیڈر اسسٹ پر پچھلے پول پر پہنچے اور آسانی سے فٹبال جال میں پہنچا دی۔ https://jang.com.pk/assets/uploads/updates/2025-12-22/1539854_101732_updates.jpg
59 گول کا سنگِ میل، ایمباپے کا رونالڈو کو خراجِ تحسین
ایمباپے نے میدان میں رونالڈو کی مشہور سیوو سیلیبریشن دہرائی https://jang.com.pk/assets/front/images/jang-icons/16x16.png
انہوں نے ہاف ٹائم کے بالکل اختتام پر اپنی فطری مہارت کا مظاہرہ کرتے ہوئے مارسیلو بروزووچ کے پاس کو اپنے جوتے کے سائیڈ سے جال میں ڈال کر برتری دگنی کر دی۔
رونالڈو دوسرے ہاف میں ہیٹ ٹرک مکمل کرنے کے قریب پہنچ گئے تھے، تاہم معمولی آف سائیڈ قرار دیے جانے کے باعث وہ اپنا ساتواں سعودی پرو لیگ گول اسکور نہ کر سکے۔
بعدازاں ان کے ہم وطن جواؤ فیلکس نے میچ کے آخری لمحات میں تیسرا گول کر کے النصر کی شاندار فتح پر مہر ثبت کردی۔
اس فتح کے ساتھ النصر نے ناصرف اپنی تاریخی فتوحات کا سلسلہ برقرار رکھا بلکہ یہ کامیابی سعودی عرب میں 2023 میں شمولیت کے بعد کرسٹیانو رونالڈو کے پہلے لیگ ٹائٹل کے خواب کی جانب ایک اہم قدم بھی ثابت ہوئی۔
Pages:
[1]