سہراب گوٹھ میں گھر سے خاتون اور تین بچوں کی لاشیں ملنے کے معاملے پر اہم پیشرفت
کراچی کے علاقے سہراب گوٹھ میں گھر سے خاتون اور تین بچوں کی لاشیں ملنے سے متعلق علاقہ مکینوں کا بیان سامنے آگیا۔علاقہ مکین کا کہنا ہے کہ ڈیڑھ ماہ قبل یہ خاندان یہاں رہنے آیا تھا، میاں بیوی میں اکثر جھگڑے رہتے تھے، اور شور ہوتا تھا۔ https://jang.com.pk/assets/uploads/updates/2025-12-28/1541696_014627_updates.jpg
کراچی: سہراب گوٹھ گنا منڈی میں گھر سے خاتون اور 3 بچوں کی لاشیں برآمد
ریسکیو حکام کے مطابق مرنے والوں میں ایک خاتون اور تین بچے شامل ہیں، بظاہر یہ معاملہ خودکشی کا لگ رہا ہے۔ https://jang.com.pk/assets/front/images/jang-icons/16x16.png
متاثرہ خاندان کے علاقہ مکین کا کہنا ہے کہ شوہر نجیب اللّٰہ کا کہنا تھا کہ خاتون کا ذہنی توازن ٹھیک نہیں ہے، مرنےوالی خاتون اس کی دوسری بیوی تھی، پہلے شوہر کے دو بچے بھی ساتھ تھے۔
علاقہ مکین کا کہنا ہے کہ مرد کی پہلی شادی سے ہونے والا بڑا بیٹا والد کے ساتھ کام پر تھا،جاں بحق ہونے والی 10سال کی سونم نجم کی پہلی بیوی سے ہے۔
پولیس کا کہنا ہے کہ خاتون کا تعلق افغانستان سے ہے جبکہ شوہر کا تعلق لیہ سے ہے۔ چاروں لاشیں پھندا لگی ہیں۔
لاشوں کو اسپتال منتقل کردیا گیا ہے جبکہ پولیس اس حوالے سے مزید تفتیش کر رہی ہے۔
Pages:
[1]