ضرار خان کا نکاح کا اعلان، تصاویر بھی شیئر کردیں
https://jang.com.pk/assets/uploads/updates/2025-12-29/1541942_8279739_%D9%86%D9%85%D8%AF%D9%84%D8%B3_updates.jpg— تصاویر بشکریہ ضرار خان/انسٹاگرامپاکستان کے ابھرتے ہوئے اداکار ضرار خان نے تصاویر شیئر کرکے اپنے نکاح کا اعلان کر دیا۔
فوٹوز اینڈ ویڈیوز شیئرنگ پلیٹ فارم انسٹاگرام پر اداکار نے چند خوبصورت تصاویر شیئر کیں، جن کے مطابق انہوں نے کاروباری خاتون مومل خان سے 28 دسمبر 2025 کو نکاح کر لیا ہے۔
انسٹاپوسٹ شیئر کرتے ہوئے انہوں نے لکھا کہ ’کس نے کہا کہ آپ کھانا بنا کر کسی لڑکی کا دل نہیں جیت سکتے؟‘
نکاح کے پُرمسرت موقع پر ایک سادہ اور نجی تقریب منعقد کی گئی۔
اس موقع پر ضرار خان نے سفید کُرتا شلوار کے ساتھ ہم رنگ واسکٹ زیب تن کی، جبکہ ان کی اہلیہ مومل خان نے پستہ رنگ کا خوبصورت لباس پہنا، جس پر مدھم سنہری کڑھائی، سیکوئنز، زری اور چٹاپٹی کا کام کیا گیا تھا۔https://jang.com.pk/assets/uploads/updates/2025-02-01/1437114_021448_updates.jpg
ماہرہ خان کی وجہ سے اداکاری کے شعبے میں ہوں: ضرار خان
پاکستان شوبز انڈسٹری کے ابھرتے ہوئے اداکار ضرار خان نے انکشاف کیا ہے کہ ماہرہ خان کی وجہ سے آج اداکاری کے شعبے میں ہوں۔ https://jang.com.pk/assets/front/images/jang-icons/16x16.png
واضح رہے کہ پشتون خاندان سے وابستہ ضرار خان نے اپنے کیریئر کا آغاز ڈیجیٹل کری ایشن اور ماڈلنگ سے کیا اور وہ انسٹاگرام پر اپنی کُکنگ ویڈیوز کے باعث خاصے مقبول ہیں۔
اداکاری میں آنے سے قبل ضرار خان ایک ملازمت سے وابستہ تھے، تاہم انہوں نے اپنے شوق کی خاطر نوکری چھوڑ کر اداکاری کے شعبے کا رُخ کیا۔
ڈیجیٹل اور الیکٹرانک میڈیا پر ان کے نمایاں پروجیکٹس میں بارہواں کھلاڑی، کالج گیٹ، دل پر دستک اور جفا شامل ہیں۔
دوسری جانب ان کی اہلیہ مومل خان ایک کاروباری شخصیت ہیں۔ وہ کنسلٹنٹ کمپنی، امیگریشن کمپنی کی بانی اور کپڑوں کے برانڈ کی شریک بانی بھی ہیں۔
Pages:
[1]