بھارتی اداکارہ نے والدین کی جانب سے شادی پر دباؤ ڈالنے پر خودکشی کرلی
https://jang.com.pk/assets/uploads/updates/2025-12-29/1542069_9694909_nandini_updates.jpgفوٹو: بھارتی میڈیابھارتی اداکارہ نندنی نے والدین کی جانب سے مرضی کے خلاف شادی کیلئے دباؤ ڈالنے پر خودکشی کرلی۔
بھارتی میڈیا کے مطابق کنڑ اور تامل ٹیلی ویژن کی اداکارہ نندنی سی ایم نے بنگلورو میں اپنے گھر میں خودکشی کرلی، مرنے سے پہلے انہوں نے ایک تحریری نوٹ بھی چھوڑا ہے۔
اداکارہ نے تحریری نوٹ والدین کے نام لکھا، جس میں کہا گیا کہ وہ شادی کے لیے دباؤ کا شکار تھی اور ذہنی طور پر اس کے لیے تیار نہیں تھی، جبکہ دیگر مسائل کی وجہ سے وہ ڈپریشن کا شکار بھی تھی۔ https://jang.com.pk/assets/uploads/updates/2025-08-22/1503030_054606_updates.jpg
بریک اپ کے بعد معروف اسکائی ڈائیور کی موت خودکشی قرار دے دی گئی
حکام کا کہنا ہے کہ 32 سالہ ڈیماریل 500 سے زائد کامیاب اسکائی ڈائیونگ کر چکی تھیں، انہوں نے اپنی آخری چھلانگ کے دوران جان بوجھ کر پیرا شوٹ نہیں کھولا تھا اور خود کار حفاظتی نظام بھی بند کر دیا تھا۔ https://jang.com.pk/assets/front/images/jang-icons/16x16.png
فی الحال نندنی کی موت کے حقیقی اسباب کے حوالے سے کوئی سرکاری تصدیق نہیں ہوئی ہے۔ پولیس کا کہنا ہے کہ تحقیقات مکمل ہونے کے بعد مزید معلومات فراہم کی جائیں گی۔
رپورٹس کے مطابق نندنی نے اپنے نوٹ میں لکھا کہ والدین مجھے مرضی کے خلاف شادی پر مجبور کر رہے تھے، میں جذباتی طور پر دباؤ میں تھی۔
پولیس کا کہنا ہے کہ اس نوٹ کے مواد کو تحقیقات کے دوران جانچ کے لیے لیا گیا ہے۔
بھارتی میڈیا کا کہنا ہے کہ یہ ایک المناک اتفاق نندنی حال ہی میں تامل سیریل گوری میں نظر آئی تھیں، جس میں ان کے کردار کو زہر پیتے ہوئے دکھایا گیا تھا، جس کے بعد اس منظر نے سوشل میڈیا پر ایک نئی بحث کو جنم دیا ہے، تاہم حکام نے اسسین کو ان کی موت کے حالات سے جوڑنے سے انکار کیا ہے۔
Pages:
[1]