کراچی: اورنج لائن بس کو گرین لائن سے ملانے کے منصوبے کا افتتاح
https://jang.com.pk/assets/uploads/updates/2025-12-30/1542311_7657185_k_updates.jpgفائل فوٹوسندھ کے سینئر وزیر شرجیل انعام میمن نے کراچی میں اورنج لائن کو گرین لائن بس سے ملانے کے منصوبے کا افتتاح کردیا۔
شرجیل میمن نے کراچی کے علاقے اورنگی ٹاؤن میں اورنج لائن ڈپو کا جائزہ لیا اور میڈیا سے گفتگو کرتے ہوئے کہا کہ اب مسافروں کو ڈبل کرایا بھرنے کی ضرورت نہیں پڑےگی، اب مسافر ایک ہی کارڈ پر اورنج لائن اور گرین لائن سے سفر کرسکیں گے۔
انہوں نے کہا کہ یہ پاکستان کی پہلی بی آر ٹی ہے جس میں ایک ہی کارڈ چلے گا، اب ہم مزید کوشش کریں گے، روزانہ ایک لاکھ مسافر سفر کرسکیں گے۔ https://jang.com.pk/assets/uploads/updates/2025-12-24/1540544_114010_updates.jpg
سندھ میں ایک ہزار 18 ارب کے ترقیاتی منصوبے منظور
شرجیل انعام میمن کا کہنا تھا کہ سیلاب متاثرین کے لیے کراچی سمیت دیگر شہروں میں ہاؤسنگ اسکیم جاری ہے۔ https://jang.com.pk/assets/front/images/jang-icons/16x16.png
صوبائی وزیر نے کہا کہ کل ہم ڈبل ڈیکر بسوں کی سروس شروع کر رہے ہیں، یہ سروس کراچی کی عوام کیلئے نئے سال کا تحفہ ہوگا، ان تمام پروجیکٹس سے عوام کو سہولت ملے گی۔
شرجیل میمن نے کہا کہ ریڈ لائن میں ہمیں بہت سے مسائل کا سامنا تھا، وزیراعلیٰ نے ان تمام مسائل کا حل نکال دیا ہے، وہاں کام شروع ہوگیا ہے۔
Pages:
[1]