نعمان اعجاز کا پاکستان کی موجودہ صورتحال پر اظہارِ مایوسی
https://jang.com.pk/assets/uploads/updates/2025-12-31/1542610_9793580_11_updates.jpgفائل فوٹوپاکستان کے سینئر اور بے مثال اداکار نعمان اعجاز نے ملک کی موجودہ صورتحال پر کھل کر مایوسی کا اظہار کرتے ہوئے کہا ہے کہ اگرچہ حالات تشویشناک ہیں، مگر میری امید اور محبت آج بھی پاکستان سے وابستہ ہے۔
نعمان اعجاز نے بےشمار مقبول ڈراموں میں یادگار کردار ادا کیے ہی، حال ہی میں نجی ٹی وی کے کامیاب ڈرامہ سیریل بسمِل میں شاندار اداکاری پر انہیں زبردستپذیرائی ملی، جبکہ ان دنوں ڈرامہ شرپسند میں ان کی کارکردگی کو بھی خوب سراہا جا رہا ہے۔ https://jang.com.pk/assets/uploads/updates/2025-12-29/1541988_010042_updates.jpg
میں فیصل قریشی یا ہمایوں سعید نہیں، جو مجھے میک اپ کی ضرورت پیش آئے: نعمان اعجاز
پاکستان شوبز انڈسٹری سے وابستہ معروف سینئر اداکار نعمان اعجاز کا کہنا ہے کہ اپنی ظاہری شکل و صورت کے بجائے اپنے کردار کو مؤثر انداز میں پیش کرنے پر یقین رکھتا ہوں۔ https://jang.com.pk/assets/front/images/jang-icons/16x16.png
حال ہی میں ایک پروگرام میں پاکستان کے بارے میں بات کرتے ہوئے نعمان اعجاز نے کہا کہ میں اب بھی پُرامید ہوں، میں اپنے ملک سے محبت کرتا ہوں، میں اپنے لوگوں سے محبت کرتا ہوں، مجھے پاکستان کی ہر چیز سے محبت ہے، مگر اسےصاف کرنے کی ضرورت ہے، کسی کو اسے واشنگ مشین میں ڈال کر صاف کرنا ہوگا، اس پر لگے داغ دھبے ختم کرنا ہوں گے، کیونکہ یہ اب بہت گندا ہو چکا ہے۔
دیانت داری اور محنت کی قدر پر بات کرتے ہوئے نعمان اعجاز نے موجودہ نظام پر سخت تنقید کی۔
ان کا کہنا تھا کہ پاکستان میں ایماندار آدمی کی کوئی جگہ نہیں، محنت اور خالص نیت سے کام کرنے والے شخص کی کوئی قدر نہیں، بہت سے لوگ ایمانداری سے کام کرنا چاہتے ہیں، مگر ناانصافیوں کی وجہ سے کر نہیں پاتے، اگر میں ایمانداری سے کام کروں تو مجھے وقت پر معاوضہ ملنا چاہیے، لیکن یہاں ایسا نہیں ہوتا۔
Pages:
[1]