ٹی 20 ورلڈ کپ 2026 کی سیمی فائنلسٹس ٹیم کونسی ہوں گی؟ ہربھجن سنگھ نے بتادیا
https://jang.com.pk/assets/uploads/updates/2026-01-01/1542832_835369_1_updates.jpgفائل فوٹوزسابق بھارتی آف اسپنر ہربھجن سنگھ نے آئی سی سی مینز ٹی20 ورلڈ کپ 2026 کے ممکنہ سیمی فائنلسٹ ٹیموں سے متعلق پیشگوئی کر دی۔
ٹی20 ورلڈ کپ 7 فروری 2026 سے شروع ہوگا، جس کی مشترکہ میزبانی بھارت اور سری لنکا کریں گے۔
ہربھجن سنگھ نے حیران کن طور پر دو مرتبہ کی عالمی چیمپئن انگلینڈ کو اپنی پسندیدہ ٹیموں میں شامل نہیں کیا۔
ان کا کہنا تھا کہ انگلینڈ کے پاس مضبوط ٹیم ہونے کے باوجود اس بار سیمی فائنل تک رسائی مشکل ہو سکتی ہے۔ https://jang.com.pk/assets/uploads/updates/2025-12-24/1540547_020350_updates.jpg
’ویرات کوہلی کا وائٹ بال کپتانی دور مایوس کن رہا‘، ہربھجن سنگھ اور ٹام موڈی کا انکشاف
بھارتی کرکٹ ٹیم کے سابق اسپنر ہربھجن سنگھ نے کہا ہے کہ ویرات کوہلی کے وائٹ بال کپتانی دور میں بھارتی ٹیم کو زیادہ آئی سی سی ٹرافیز جیتنی چاہئیں تھیں، مگر ایسا نہیں ہو سکا۔ https://jang.com.pk/assets/front/images/jang-icons/16x16.png
انہوں نے بھارت کو ہوم گراؤنڈ کا فائدہ قرار دیتے ہوئے کہا کہ بھارتی ٹیم مقامی کنڈیشنز سے بخوبی واقف ہے اور یہی چیز اسے دیگر ٹیموں پر برتری دیتی ہے، تاہم ہربھجن کے مطابق بھارت کی کامیابی کا دار و مدار اس بات پر ہوگا کہ وہ ورلڈ کپ کے دباؤ کو کس حد تک بہتر انداز میں سنبھال پاتے ہیں۔
ہربھجن سنگھ نے بھارت کے علاوہ آسٹریلیا اور جنوبی افریقہ کو بھی سیمی فائنل کے لیے مضبوط امیدوار قرار دیا جبکہ چوتھی ٹیم کے طور پر افغانستان کا انتخاب کیا۔
انہوں نے سابق چیمپئن ویسٹ انڈیز （2012 اور 2016 کی فاتح） کو بھی اپنی فہرست سے باہر رکھا۔
اس موقع پر ہربھجن سنگھ کا کہنا تھا کہ میرے خیال میں بھارت کے پاس ٹی20 ورلڈ کپ جیتنے کا بہت اچھا موقع ہے کیونکہ وہ ایک مضبوط ٹیم ہے اور اپنے ہوم کنڈیشنز میں کھیل رہی ہے، وہ حالات کو کسی بھی دوسری ٹیم سے بہتر جانتے ہیں، لیکن ورلڈ کپ کا دباؤ ایک ایسا عنصر ہے جسے انہیں دیگر ٹیموں سے بہتر طریقے سے سنبھالنا ہوگا اور یہی سب سے اہم بات ہے۔
Pages:
[1]