’میری صحت بالکل ٹھیک ہے‘، امریکی صدر ڈونلڈ ٹرمپ نے فٹنس پر اٹھنے والے سوالات مسترد کر دیے
https://jang.com.pk/assets/uploads/updates/2026-01-02/1543167_8945798_News5_updates.jpg---فائل فوٹو
امریکی صدر ڈونلڈ ٹرمپ نے اپنی صحت اور عمر سے متعلق خدشات کو مسترد کرتے ہوئے کہا ہے کہ اِن کی صحت بالکل ٹھیک ہے۔
وال اسٹریٹ جرنل کو دیے گئے ایک انٹرویو میں صدر ٹرمپ نے میڈیا کی جانب سے لگائے گئے الزامات کو بے بنیاد قرار دیا۔
79 سالہ ڈونلڈ ٹرمپ کا کہنا ہے کہ اگر وہ اپنی دوسری مدت مکمل کرتے ہیں تو وہ امریکی تاریخ کے سب سے عمر رسیدہ صدر ہوں گے تاہم عمر نے اِن کی کارکردگی پر کوئی اثر نہیں ڈالا ہے۔
انہوں نے مزید کہا کہ ’میری صحت مکمل طور پر ٹھیک ہے، کچھ بھی غلط نہیں ہے۔‘ https://jang.com.pk/assets/uploads/updates/2025-09-01/1506000_095328_updates.jpg
’میں نے زندگی میں کبھی اچھا محسوس نہیں کیا،‘ ڈونلڈ ٹرمپ کا اپنی صحت سے متعلق افواہوں پر ردعمل
امریکی صدر ڈونلڈ ٹرمپ نے اپنی صحت سے متعلق گردش کرتی افواہوں کی سختی سے تردید کرتے ہوئے کہا ہے کہ انہوں نے کبھی اپنی زندگی میں بہتر محسوس نہیں کیا۔ https://jang.com.pk/assets/front/images/jang-icons/16x16.png
انٹرویو میں ڈونلڈ ٹرمپ نے واضح کیا کہ اُنہوں نے ایم آر آئی نہیں بلکہ سی ٹی اسکین کروایا تھا اور اس طبی جانچ پڑتال پر انہیں افسوس ہے کیونکہ اس سے غیر ضروری قیاس آرائیوں نے جنم لیا۔
امریکی صدر کا یہ بھی کہنا تھا کہ میڈیا ان کی تصاویر کو غلط انداز میں پیش کرتا ہے اور پلک جھپکنے کو بھی نیند قرار دے دیتا ہے۔
صدر ٹرمپ نے انٹرویو کے دوران اعتراف کیا کہ وہ روزانہ 325 ملی گرام اسپرین لیتے ہیں جو عام مقدار سے زیادہ ہے۔ اسپرین خون کو پتلا رکھنے میں مدد دیتی ہے تاہم اسی وجہ سے میرے ہاتھوں پر نیل پڑ جاتے ہیں جنہیں میک اپ سے چھپایا جاتا ہے۔ https://jang.com.pk/assets/uploads/updates/2025-08-27/1504495_111304_updates.jpg
ٹرمپ کے ہاتھ پر گہرا نیلا داغ نمایاں ہونے لگا، صحت سے متعلق خدشات نے جنم لے لیا
اس سے قبل ہفتے کے روز انہیں ہاتھ پر میک اپ لگائے دیکھا گیا تھا https://jang.com.pk/assets/front/images/jang-icons/16x16.png
انہوں نے یہ بھی کہا کہ وہ ورزش کے شوقین نہیں اور ٹریڈ مل پر چلنا یا دوڑنا اِنہیں بورنگ لگتا ہے البتہ وہ گالف کھیلتے ہیں۔
ڈونلڈ ٹرمپ نے مصروفیت کم کرنے کی تصدیق کرتے ہوئے کہا کہ یہ فیصلہ توانائی یا صحت کی کمی کی وجہ سے نہیں بلکہ اہم کاموں پر توجہ دینے کے لیے کیا گیا ہے۔
صدر ٹرمپ نے ایک بار پھر اپنی اچھی صحت کا کریڈٹ اپنی جینز کو دیتے ہوئے کہا کہ ’میری جینز بہت اچھی ہے۔‘
Pages:
[1]