ایران کا اقوام متحدہ سے ڈونلڈ ٹرمپ کی دھمکیوں پر فوری ردعمل دینے کا مطالبہ
https://jang.com.pk/assets/uploads/updates/2026-01-03/1543456_9743634_News2_updates.jpg---فائل فوٹو
اقوام متحدہ میں ایران کے سفیر امیر سعید ایراوانی نے امریکی صدر ڈونلڈ ٹرمپ کے بیانات کو ’غیر قانونی اور اشتعال انگیز‘ قرار دیتے ہوئے اقوام متحدہ کے سیکریٹری جنرل اور سلامتی کونسل سے اِن کی مذمت کرنے کا مطالبہ کیا ہے۔
امیر سعید ایراوانی کی جانب سے اقوامِ متحدہ کو گزشتہ روز لکھے گئے خط میں کہا گیا ہے کہ ایران میں جاری احتجاج کے حوالے سے ٹرمپ کے بیانات اقوام متحدہ کے چارٹر اور بین الاقوامی قوانین کی سنگین خلاف ورزی ہیں۔
اُنہوں نے مزید کہا کہ کسی ملک کے اندرونی معاملات میں مداخلت یا بدامنی کو ہوا دینا ایران کی خودمختاری کے خلاف ہے۔ https://jang.com.pk/assets/uploads/updates/2026-01-02/1543218_032728_updates.jpg
ٹرمپ کو معلوم ہونا چاہیے کہ ایران میں امریکی مداخلت افرا تفری پھیلانے کے مترادف ہے، لاریجانی
ان کا کہنا ہے کہ ٹرمپ کو معلوم ہونا چاہیے کہ امریکی مداخلت افرا تفری پھیلانے کےمترادف ہے۔ https://jang.com.pk/assets/front/images/jang-icons/16x16.png
ایراوانی نے اپنے خط میں واضح کیا ہے کہ ایران اپنی خودمختاری کے دفاع کا حق رکھتا ہے اور کسی بھی جارحیت کا مناسب اور فیصلہ کن جواب دیا جائے گا اور کسی بھی ممکنہ کشیدگی کی ذمہ داری امریکا پر عائد ہوگی۔
واضح رہے کہ گزشتہ روز امریکی صدر ڈونلڈ ٹرمپ نے ایران کی صورتحال پر اپنے بیان میں کہا تھا کہ اگر ایران میں مزید مظاہرین مارے گئے تو امریکا مداخلت کے لیے تیار ہے۔
صدر ٹرمپ نے سوشل میڈیا پر جاری کیے گئے اپنے بیان میں کہا تھا کہ امریکا پُرامن مظاہرین کو بچانے کے لیے ایران جا سکتا ہے۔
Pages:
[1]