معرکہ حق کی کامیابی کی طرح معرکہ معیشت میں ترقی حاصل کریں گے، احسن اقبال
https://jang.com.pk/assets/uploads/updates/2026-01-03/1543516_7219381_AhsanIqbal0_updates.jpgوفاقی وزیر منصوبہ بندی احسن اقبال نے کہا ہے کہ معرکہ حق کی کامیابی کی طرح معرکہ معیشت میں ترقی حاصل کریں گے۔
ایک بیان میں احسن اقبال نے کہا کہ آج ملک کے ڈیمز اور صنعت سمیت ہر چیز کے پیچھے انجینئرز کا ہاتھ ہے، انجینئر ہی وہ شخص ہے، جو انسانی مسائل کو حل کرتا ہے۔
انہوں نے کہا کہ آرٹیفیشل انٹیلی جنس ہر جگہ تبدیلی لے کر آ رہی ہے، ہماری نسل نے تختی سے 5 جی کا سفر دیکھا ہے۔
وفاقی وزیر نے مزید کہا کہ وزارت پلاننگ نے ہر ترقیاتی منصوبے میں 1 سال کا انٹرن شپ پروگرام متعارف کروانا ہے۔
اُن کا کہنا تھا کہ آج ملک کی معشیت سنبھل رہی ہے، جیسے معرکہ حق میں کامیابی حاصل کی ویسے ہی معرکہ معشیت میں ترقی حاصل کریں گے۔
احسن اقبال نے یہ بھی کہا کہ معشیت کو ٹھیک کرنے کے لیے ہمیں اسی جذبے سے کام کرنا ہے۔
Pages:
[1]