محسن نقوی کا منی لانڈرنگ اور انسانی اسمگلنگ میں ملوث مافیا کے خلاف کریک ڈاؤن کا حکم
https://jang.com.pk/assets/uploads/updates/2026-01-04/1543736_6791517_%D9%85%DA%BE%D8%B3%D9%86_updates.jpgفائل فوٹووفاقی وزیر داخلہ محسن نقوی نے منی لانڈرنگ میں ملوث مافیا کے خلاف بھرپور کریک ڈاؤن کا حکم دیتے ہوئے کہا ہے کہ بڑے منی لانڈررز پر مضبوط ہاتھ ڈالا جائے۔
ایف آئی اے کراچی زون میں وفاقی وزیر داخلہ کی زیر صدارت اجلاس ہوا جس میں ایف آئی اے کراچی زون اور ساؤتھ زون کی کارکردگی کا جائزہ لیا گیا۔
اجلاس میں گفتگو کرتے ہوئے محسن نقوی نے کہا کہ منی لانڈرنگ میں ملوث عناصر کی پوری منی ٹریل بے نقاب کی جائے۔حوالہ ہنڈی کا کاروبار کرنے والوں کے خلاف بلا امتیاز ایکشن نظر آنا چاہیے۔ https://jang.com.pk/assets/uploads/updates/2025-12-12/1536822_085005_updates.jpg
انسانی اسمگلنگ روکنے کی ہماری کوششوں کو سراہا گیا ہے: وزیراعظم
انہوں نے مزید کہا کہ فریقین نے باہمی دلچسپی کے شعبے میں تعاون کے فروغ کے لیے تعمیری ملاقاتیں کیں، وزیر داخلہ اور ان کی ٹیم کی کارکردگی قابل تعریف ہے۔ https://jang.com.pk/assets/front/images/jang-icons/16x16.png
محسن نقوی نے انسانی اسمگلنگ میں ملوث ایجنٹس مافیا کے خلاف مؤثر کارروائی کا حکم دیا اور کہا کہ معصوم لوگوں کو جھانسہ دے کر باہر بھجوانے والے رتی بھر رعایت کے مستحق نہیں۔
ان کا کہنا تھا کہ جعلی ادویات کا کاروبار کرنے والے انسانی زندگیوں سے کھیل رہے ہیں، مکروہ دھندے میں ملوث عناصر کو بھی قانون کی گرفت میں لایا جائے۔
اجلاس میں ایف آئی اے حکام نے بریفنگ میں بتایا کہ 4 ماہ میں انسانی اسمگلنگ میں ملوث 20 ایجنٹس کو گرفتار کیا گیا ہے جبکہ 140 ملین روپے کی نان کسٹم مصنوعات اور ڈرگز ضبط کی گئیں۔
اجلاس کے شرکاء کو بتایا گیا کہ مسافروں کی سہولت کے لیے کراچی ایئر پورٹ پر سہولت سینٹر قائم کر دیا گیا ہے۔
وزیر داخلہ محسن نقوی نے افسران سے متعلقہ سرکلز کی کارکردگی رپورٹ طلب کرتے ہوئے مزید محنت سے کام کرنے کی ہدایت کی۔
Pages:
[1]