پاکستان کبڈی فیڈریشن نے بھارتی ٹیم کی طرف سے کبڈی میچ کھیلنے والے عبیداللّٰہ راجپوت کو طلب کر لیا
https://jang.com.pk/assets/uploads/updates/2026-01-05/1543989_6750984_04_updates.jpgفائل فوٹوپاکستان کبڈی فیڈریشن کی ڈسپلنری کمیٹی نے بھارتی ٹیم کی طرف سے کبڈی میچ کھیلنے والے عبیداللہ راجپوت کو 12 جنوری کو طلب کر لیا۔
اس حوالے سے پاکستان کبڈی فیڈریشن کے سیکریٹری جنرل رانا سرور نے کہا ہے کہ پاکستان کبڈی فیڈریشن نے عبیداللّٰہ راجپوت پر پابندی عائد کر رکھی ہے۔
واضح رہے کہ عبیداللّٰہ راجپوت نے 16 دسمبر کو بحرین میں بھارتی ٹیم کی طرف سے میچ کھیلا تھا، انہوں نے میچ کے بعد بھارتی جھنڈا بھی اسٹیڈیم میں کندھوں پر لہرایا تھا۔
یہ بھی پڑھیے
[*] بھارتی ٹیم کی جانب سے کھیلنے والے کبڈی کھلاڑی کا بیان سامنے آگیا
[*] پاکستانی کبڈی کھلاڑی کے بھارتی ٹیم کی جانب سے کھیلنے کے واقعے پر ہنگامی اجلاس طلب
پاکستان کبڈی فیڈریشن نے سخت ایکشن لیتے ہوئےتمام کھلاڑیوں کے بغیر این او سی کھیلنے پر پابندی لگا رکھی ہے۔
بحرین کبڈی فیڈریشن نے بھی پاکستان اور بھارت کے نام سے میچ کروانے والے دونوں کلبز پر پابندی عائد کی۔
بحرین کبڈی فیڈریشن نے انڈیا یونائیٹڈ کبڈی کلب اور پاکستان واریئرز کبڈی کلب پر ضابطہ اخلاق کی خلاف ورزی پر پابندی عائد کی ہے۔
Pages:
[1]