15 سالہ بچی کی تاریخی فتح، فریسکی ہالف پائپ ورلڈکپ میں ریکارڈ بنادیا
https://jang.com.pk/assets/uploads/updates/2026-01-05/1543995_4474320_5_updates.jpgتصاویر:بین الاقوامی میڈیا15 سالہ انڈرا براؤن نے تاریخ رقم کرتے ہوئے آسٹریلیا کی سب سے کم عمر اسکئیر بن کر فریسکی ہالف پائپ ورلڈکپ ایونٹ جیت لیا۔
براؤن نے اپنی پہلی رن میں 85.20 پوائنٹس حاصل کیے، جو کسی بھی دوسرے اسکئیر کے لیے عبور کرنا ممکن نہ رہا۔ اس کے ساتھ ہی انہوں نے سوئیڈن کی جینی لی برمنسن کے 18-2017 سیزن میں قائم کیے گئے ریکارڈ کے برابر کامیابی حاصل کی، جو اس ایونٹ کی سب سے کم عمر فاتح تھیں۔
مزید برآں انڈرا براؤن نے ایک اور سنگ میل عبور کیا اور واحد آسٹریلوی کھلاڑی بن گئیں جنہوں نے فریسکی ہالف پائپ ورلڈکپ میں دو سے زائد پوڈیم فِنِشز حاصل کیں اور سابق ریکارڈ ہولڈرز ڈیوینا ولیمز اور ایمی شیہان کو پیچھے چھوڑ دیا۔ https://jang.com.pk/assets/uploads/updates/2025-12-27/1541477_071450_updates.jpg
بیڈمنٹن کھیلنے والے چینی روبوٹ نے ورلڈ ریکارڈ بنادیا
چینی کمپنی کی جانب سے تیار کردہ بیڈمنٹن کھیلنے... https://jang.com.pk/assets/front/images/jang-icons/16x16.png
تاریخی فتح کے بعد براؤن نے برطانوی نشریاتی ادارے سے گفتگو میں کہا کہ میں بہت خوش ہوں کہ میں نے کامیابی حاصل کی اور اس ماحول میں اپنے انداز سے اسکینگ کی، میں مستقبل کے لیے مزید پُرجوش ہوں۔
ایونٹ میں چین کی 23 سالہ ژانگ کیکسِن دوسرے نمبر پر آئیں جنہوں نے 84.20 پوائنٹس حاصل کیےجبکہ 23 سالہ امریکی اسکئیر سوا ایرونگ تیسرے نمبر پر رہی جنہوں نے 83.20 پوائنٹس بنائے۔
Pages:
[1]