کراچی کو دہشت گردی کے بڑے واقعے سے بچایا ہے، ایڈیشنل آئی جی سی ٹی ڈی ذوالفقار لاڑک
https://jang.com.pk/assets/uploads/updates/2026-01-05/1544023_6569741_ff_updates.jpgفوٹو: اسکرین گریبسیکیورٹی اداروں نے کراچی میں بڑی دہشت گردی کا منصوبہ ناکام بنا دیا۔ ایڈیشنل آئی جی سی ٹی ڈی ذوالفقار لاڑک نے کہا ہے کہ کراچی کو دہشت گردی کے بڑے واقعے سے بچایا ہے۔
کراچی میں ڈی آئی جی سی ٹی ڈی اظفر مہیسر کے ہمراہ پریس کانفرنس کرتے ہوئے ایڈیشنل آئی جی سی ٹی ڈی ذوالفقار لاڑک نے کہا کہ کراچی میں خطرناک دہشت گردی کے منصوبے کی بیرون ملک پلاننگ کی گئی۔
ڈی آئی جی سی ٹی ڈی اظفر مہیسر نے کہا کہ واقعے میں ملوث 3 دہشت گردوں کو گرفتار کرلیا ہے، دہشت گردوں کا تعلق کمانڈر بشیر بی ایل اے گروپ سے ہے۔ https://jang.com.pk/assets/uploads/updates/2026-01-05/1543802_020836_updates.jpg
کراچی: شہر میں دہشت گردی کا بڑا منصوبہ ناکام
سیکیورٹی اداروں نے کراچی میں بڑے پیمانے پر دہشت گردی کا منصوبہ ناکام بنادیا۔ https://jang.com.pk/assets/front/images/jang-icons/16x16.png
انہوں نے کہا کہ دہشت گردوں نے رئیس گوٹھ میں بارودی مواد چھپایا تھا۔ ایک ٹرک، 30 سے زائد بڑے ڈرم اور 5 سلنڈر قبضے میں لیے گئے ہیں۔
ڈی آئی جی اظفر مہیسر نے کہا کہ ملزمان نے کراچی میں دہشت گردی کی بڑی واردات کی منصوبہ بندی کی تھی، مخلتف راستوں سے بارودی مواد یہاں لاکر جمع کیا جارہا تھا۔
ڈی آئی جی سی ٹی ڈی نے مزید کہا کہ 2 ہزار کلو گرام سے زائد بارودی مواد برآمد ہوا جسے ناکارہ بنادیا گیا ہے۔ دہشتگردوں کے پاس کمرشل بارودی مواد بھی موجود تھا۔
یاد رہے کہ گزشتہ رات سیکیورٹی اداروں نے کراچی میں بڑی دہشت گردی کا منصوبہ ناکام بناتے ہوئے بلدیہ رئیس گوٹھ میں 4 ٹن سے زائد دھماکا خیز مواد برآمد کیا۔
Pages:
[1]