کراچی: رئیس گوٹھ دھماکا خیز مواد کا مقدمہ درج کرلیا گیا
https://jang.com.pk/assets/uploads/updates/2026-01-05/1544095_256404_KhifitnaHind_updates.jpgکراچی میں بلدیہ رئیس گوٹھ سے دھماکا خیز مواد برآمد ہونے کا مقدمہ درج کرلیا گیا۔
کاؤنٹر ٹیررازم ڈپارٹمنٹ （سی ٹی ڈی） میں مقدمہ سرکار کی مدعیت میں درج کیا گیا، جس میں انسداد دہشت گردی اور ایکسپلوزو ایکٹ کی دفعات شامل ہیں۔
سی ٹی ڈی حکام کے مطابق مقدمے میں فتنہ الہند （کالعدم بی ایل اے） کے کمانڈر بشیر زیب اور ساتھیوں کو نامزد کیا گیا ہے۔
مقدمے کے متن کے مطابق خفیہ اطلاعات پر حب ریور روڈ رئیس گوٹھ میں گھر پر چھاپہ مارا گیا تو ملزم جلیل عرف نوید گرفتار جبکہ دیگر ساتھی فرار ہو گئے۔ https://jang.com.pk/assets/uploads/updates/2026-01-05/1544023_021612_updates.jpg
کراچی کو دہشت گردی کے بڑے واقعے سے بچایا ہے، ایڈیشنل آئی جی سی ٹی ڈی ذوالفقار لاڑک
ڈی آئی جی سی ٹی ڈی اظفر مہیسر نے کہا کہ واقعے میں ملوث 3 دہشت گردوں کو گرفتار کرلیا ہے، دہشت گردوں کا تعلق کمانڈر بشیر بی ایل اے گروپ سے ہے۔ https://jang.com.pk/assets/front/images/jang-icons/16x16.png
مقدمے کے متن کے مطابق کمپاؤنڈ میں ٹرک سے دھماکا خیز مواد سے بھرے پلاسٹک کے ڈرم اور سلنڈر ملا، یہ مواد ڈیٹونیٹر اور ڈیڈ کور وائر سے منسلک تھا۔
مقدمے کے متن کے مطابق فارنزک ٹیسٹ پر پتہ چلا کہ بارودی مواد 2 ہزار کلو گرام ہے، ٹرک کی تیاری مقصد کراچی میں دہشت گردی کرنا تھا، ملزمان کا تعلق بی ایل اے مجید بریگیڈ فتنہ الہند سے ہے۔
Pages:
[1]